Hversdagshugleiðingar

Á tali

2009-06-04T15:30:00.003Z

Mikið er ég nú fegin að vera ekki viðskiptavinur símafyrirtækisins Tals. Ég er bara allt of óþolinmóð. En þar sem kærastinn minn er hjá Tal og vill komast í þá GSM þjónustu að geta hringt ókeypis í mig, þá tók ég að mér að redda málunum.

Í gær eyddi ég fjörutíu mínútum af mínu lífi í að bíða eftir þjónustufulltrúa í verslun Tals á Suðurlandsbrautinni. Eftir þessar fjörutíu mínútur voru ennþá fimm á undan mér í röðinni. Þá varð að yfirgefa svæðið til að keyra dótturina í vinnuna. Sem sagt hundfúlt og án árangurs.

Í dag ákvað ég svo að fara hina leiðina og nota símann. Fyrst beið ég í korter eftir þjónustufulltrúa og var heillengi númer 7 í röðinni. Þegar loksins var svarað, þurfti sá þjónustufulltrúi að gefa mér samband við GSM þjónustufulltrúann og þá tók við önnur bið. Þegar ég svo loksins náði sambandi, komst ég að því að þessi þjónusta, sem Tal hefur verið að auglýsa grimmt, er ekki kominn í gagnið og einhver ófyrirsjáanleg bið á því.

Þangað til verð ég bara að hringja ókeypis í hann, því símafyrirtækið sem ég skipti við er löngu komið með þessa þjónustu og aldrei neitt vandamál þar á ferðinni.

Júróvision

2009-05-15T11:01:00.003Z

Ég held bara svei mér þá að ég sé alveg dottin í Júróvision keppnina í ár. Það er amk mjög langt síðan ég hef verið svona áhugasöm um þessa keppni. Ég horfði á báðar undankeppnirnar og verð bara að segja að mér finnst nú fátt um fína drætti.

EN ég hugsa að Noregur eða Grikkland komi sterklega til greina sem sigurvegarar. Hef að vísu ekki ennþá heyrt þau lög sem fara beint í úrslitakeppnina, svo ég er ekki alveg dómbær. Maður þorir nú bara varla að spá Íslandi sigri, nei ég meina svona seriously, hvar myndum við halda þessa keppni??

Annars finnst mér lagið frá Estoniu best. Það er bara eitthvað frumlegt og töff við það og lagið er vel flutt.

Bloggleysi

2009-05-11T09:18:00.002Z

Ég held að ég sé að setja nýtt met í bloggleysi. Bloggþörfin hefur bara ekki verið til staðar undanfarið. Það er nú svo sem ekkert merkilegt að gerast í mínu lífi. Ég gæti svo sem bloggað um það að ég sit sveitt yfir bókhaldi og er að reyna að klára að ganga frá ársreikningi. Ég þarf svo í framhaldi að skila því til skattsins og gera skattframtal. Þetta hefur heltekið líf mitt soldið undanfarið, þar sem ég er að gera þetta í fyrsta skipti og jafnvel ekki alltaf klár á því hvað ég er að gera. EN maður lærir víst og þetta verður miklu einfaldara næst...

Svo er bara sumarið framundan með siglingum og útilegum. Það verður sko ekki leiðinlegt.

Fullkominn afmælisdagur

2009-04-12T11:00:00.003Z

Ég held að ég geti alveg fullyrt að afmælisdagurinn í gær var sá besti sem ég hef upplifað hingað til. Dagurinn byrjaði á því að Baldvin fór og sótti súkkulaðitertu handa afmælisbarningu. Hann er nefnilega löngu búinn að átta sig á því að kærastan er súkkulaðifíkill. Ég fékk því súkkulaðiköku í morgunmat í fyrsta skipti á ævinni.

Það var ekki eina súkkulaðikakan sem ég fékk þennan dag, því í eftirmiðdaginn komu dóttirin og kærastinn hennar og bökuðu fyrir mig dýrindis franska súkkulaðiköku með hindberjasósu og bræddu súkkulaði. Og þá er ekki allt upptalið því um kvöldið grillaði svo besti kærasti í heimi, humar og nautakjöt.

Yfir daginn rigndi svo afmæliskveðjum yfir mig, bæði í síma og á Facebook. Ég var virkilega snortin yfir öllum kveðjunum sem ég fékk.

Í mínum augum var þetta uppskriftin af fullkomnum afmælisdegi og mér leið svo sannarlega eins og ofdekraðri prinsessu.

Lundúnir

2009-03-30T15:40:00.003Z

Ég held að það verði bara að segjast að mér þyki aldrei leiðinlegt að koma til London. Þessi ferð var að vísu töluvert frábrugðin fyrri ferðum, þar sem ekkert var skipulagt og ekkert var verslað. Sem sagt mjög ólíkt því sem ég á að venjast.

EN þetta var frábær ferð í alla staði. Við fórum á söfn, til Greenwich, röltum um bæinn (Covent Garden, Trafalgar Square, Leichester Sqare, Piccadilly Circus, Chinatown, Soho, Charing Cross Road og eftir árbakkanum hjá Tower Bridge), þrömmuðum upp allar tröppurnar í St.Pauls, fórum í leikhús, átum fish and chips og drukkum Guiness bjór. Ég smakkaði hann að vísu í fyrsta skipti í þessari ferð og fannst hann mjög góður. Ég upplifði það líka í fyrsta sinn að fara inn á listasafn og sjá málverk eftir stóru meistarana (Van Gough, Picasso, Renoir, Degas, Monet, Manet, Michaelangelo, DaVinci, Rafael, Rembrant, Cézanne og fleiri og fleiri). Það fannst mér alveg mögnuð upplifun.

OGGG að sjálfsögðu tókum við þátt í mótmælunum á laugardeginum...nema hvað.

Þrír dagar í Londonferð

2009-03-22T12:25:00.003Z

Ég veit, ég er orðin fastagestur í þessari borg. Það liggur við að ég geti farið að sækja um afsláttarkort eða lestarkort. Ég er sem sagt að fara þriðju ferðina til London á frekar stuttum tíma...tja stuttum tíma miðað við að áður hafði ég ekki farið til borgarinnar í 20 ár.

Aldrei þessu vant er ég ekki búin að skipuleggja neitt viðkomandi ferðina. Ég er nefnilega ein af þessum skipulögðu týpum, sem vill yfirleitt vera komin með nokkuð góða hugmynd að dagskrá þegar ég ferðast. Það hefur alltaf komið í minn hlut að skipuleggja dagskrá og stýra ferðinni...og finnst það ekki leiðinlegt. Ég vil nefnilega stjórna.

Í þetta skipti ætla ég ekki að gera það. Ég ætla að láta einhvern annan um að stýra ferðinni. EN það er ekkert auðvelt.

Barnaland.is

2009-03-14T22:08:00.002Z

Jæja, það fór þá ekki svo að maður nýtti sér ókeypis auglýsingavettvang, svona á síðustu og verstu. Ég ákvað að auglýsa heimilistæki, sem standa óhreyfð uppí skáp, bara til að losa pláss og fá kannski smá pening. Ég auglýsti sem sagt brauðvél, poppvél og ísvél til sölu og ákvað að auglýsa líka bílinn minn til sölu fyrst ég var byrjuð.

Ég er við símann...núna!

Valhopp

2009-02-17T08:56:00.003Z

Ég veit ekki hvað það er, en valhoppandi börn hafa alltaf fært mikla gleði í mitt hjarta. Það er eitthvað svo fallegt og jákvætt við valhoppandi og jafnvel sönglandi börn. Lífið er svo einfalt og skemmtilegt þegar maður er barn og einlæg gleði fylgir þessari litlu athöfn. Manni bara hlýnar um hjartarætur og hversdagsleikinn fær smá lit. Áður en ég veit af, er ég jafnvel farin að brosa út að eyrum.

Annars fór ég í bíó um daginn. Skellti mér á "The curious case of Benjamin Button". Ég hafði rosalegar væntingar til þessarar myndar og þess vegna varð ég fyrir vonbrigðum. Myndin er voðalega falleg og hugmyndin góð, en hún er bara alveg rosalega hæg (enda ca. 3 tímar á lengd). Það er nú samt aldrei leiðinlegt að horfa á Brad Pitt á hvíta tjaldinu. Gervið á honum er mjög vel heppnað og eiginlega það besta við myndina.

Draumahúsið?

2009-02-14T15:29:00.002Z

Í gær fórum við að skoða hús. Það var reyndar bara byrjunin á húsi, því það var bara búið að steypa það upp og setja á það þak. Það stendur á fallegum stað í hverfinu mínu og útsýnið er alveg truflað. Hæfilega stórt einbýlishús, með ca.þremur svefnherbergjum, alrými, stóru baðherbergi og stóru eldhúsi. Það sem heillaði mig mest var stór horngluggi, með stórkostlegu útsýni, sem yrði staðsettur í stóru eldhúsi. Kærastinn var meira spenntur fyrir stóra tvöfalda bílskúrnum (kemur á óvart).

Ég gæti sko alveg hugsað mér að búa þarna. Það vantar að vísu töluvert upp á fjárhagslega, að við gætum keypt þetta hús og klárað það. Maður er nú líka fremur varkár í peningaeyðslu, svona á þessum síðustu og verstu.

Þess vegna fór ég og keypti lottómiða.

Sjónvarpsfréttir

2009-02-03T13:20:00.002Z

Ég komst að því í gær, af hverju ég er yfirleitt svona treg til þess að horfa á fréttir. Ástæðan er einfaldlega sú að mér finnast fréttirnar sem fluttar eru svo hrikalega neikvæðar. Allur fréttatíminn er yfirfullur af fréttum af stríðum, hörmungum, verðbólgu,fátækt, íslenskum stjórnmálum og alls kyns óréttlæti í heiminum.

Nei, það er ekki af því að ég vil lifa í einhverjum blekkingarheimi á mínu rósrauða skýi. Ég er bara einfaldlega það viðkvæm að ég tek svona fréttir frekar nærri mér. Verð bara alveg miður mín yfir óréttlætinu í heiminum. Í gær var til dæmis frétt um hvernig þeir reyta fiður af lifandi gæsum, einhversstaðar úti í heimi, til að nota í sængur. Ég er alveg miður mín yfir að hafa séð þessa frétt. Sársaukaöskrin úr vesalings dýrunum munu seint líða mér úr minni.

Hvernig væri að hafa einhverjar jákvæðar fréttir í staðinn. Einhverjar góðar fréttir sem manni líður vel að horfa á. Eða teljast það kannski ekkert spennandi fréttir??

Rangar verðmerkingar í Hakaup

2009-01-25T18:35:00.003Z

Ég legg nú ekki í vana minn að versla í þessari dýru búð. Það kemur samt fyrir að ég fer þar inn, aðallega til að kaupa sjampó og hárnæringu sem við mæðgur erum mjög hrifnar af, einfaldlega vegna þess að ég hef ekki séð þessar vörur í annari búð.

Það hefur komið fyrir nokkrum sinnum, þegar ég hef freistast til að kaupa eitthvað annað í leiðinni, að það hefur vera ranglega verðmerkt. Te sem ég ætlaði td. að kaupa um daginn, kostaði skv. hilluverði 517 kr., en svo átti að rukka mig um 658 kr. þegar ég kom á kassann. Fleira hefur líka reynst ranglega verðmerkt en ekki með eins áberandi mun. Í dag var ég vör við þegar konan sem var afgreidd á eftir mér gerði athugasemd við álbakka sem voru verðmerktir 100 kr. hærri á kassa en í hillu.

Það er full ástæða fyrir því að vera vakandi fyrir þessu, maður á jú bara að borga "hilluverðið".

Ég mótmæli!

2009-01-22T21:39:00.003Z

Ég verð að viðurkenna að ég er ekki öflugasti mótmælandi sem fyrirfinnst, en ég legg þó mitt af mörkum. Ég mætti á Austurvöll/Þjóðleikhúskjallarann í gærkvöldi og upplifði stemmningu sem var engu lík. Þarna var samankomið fólk af öllum aldri og samhugurinn var gífulegur. Því miður var þarna líka töluvert um lið sem var með skrílslæti og sverti annars friðsamleg mótmæli. Ég er mjög ósátt við þá sem virðast halda að mótmæli snúist um að grýta matvælum og öllu lauslegu í lögreglu og kveikja í rusli, jólatrjám og garðbekkjum. Það er alveg hægt að koma sinni skoðun á framfæri á friðsaman hátt, eins og hefur sýnt sig á samkomum sem fara fram á Austurvelli á laugardögum.

Þegar mótmæli berast í tal, er fólk yfirleitt hneykslað á þessu framferði mínu og segist sko ekki láta sjá sig á svona samkomum. Ég er mjög hissa á þessum viðbrögðum. Er stór hluti þjóðarinnar kannski bara sáttur við ástandið eins og það er í dag?

Margir virðast þeirra skoðunar að þeir sem séu við stjórn hafi bara gert það besta sem hægt var að gera í stöðunni og það hafi bara ekki verið hægt að gera betur. Ég get bara ekki verið sammála því, og þess vegna held ég áfram að mótmæla. Mótmæla setu ríkisstjórnar, stjórn Seðlabankans og stjórn Fjármálaeftirlitsins...á friðsaman hátt.

Árið 2008

2009-01-06T13:28:00.001Z

Þetta ár var eitt af þeim stóru í mínu lífi. Ekki endilega vegna þess að það gerðist svo margt merkilegt, heldur vegna þess að þetta var árið sem ég ákvað að fara að lifa lífinu. Ég tók þá ákvörðun að gera lífið skemmtilegt og njóta þess að vera til. Það má eiginlega segja það að stofnun Actionary klúbbsins í janúar, hafi átt stóran þátt í þessu. Þar fór ég að losa um hömlur og láta eins og vitleysingur. Hló mig máttlausa og leið bara fjandi vel. Sumarið var líka mjög gott, ég var ein og barnlaus í fimm vikur og naut lífsins í botn. Skemmti mér mikið og var úti alla nóttina. Í ágúst skellti ég mér síðan til London með dótturinni, þar sem við áttum saman fimm frábæra daga.

EN það besta við árið 2008 var að sjálfsögðu að ég varð ástfangin. Ég fór í gegnum allan þann rússibana af tilfinningum sem fylgir því að verða fyrst spenntur, svo skotin og að lokum ástfangin. Ég kynntist einfaldlega manni sem passar akkúrat fyrir mig. Hann virðist alltaf vita hvað ég þarf og getur lesið mig eins og opna bók. Ég er alls ekki að segja að hann sé fullkominn, enda held ég að ég myndi nú fljótt fá leið á þannig manni.

Lífið er svo yndislegt núna, fullt af ást og hamingju og ég lít björtum augum á framtíðina.

Þar höfum við það, part 2

2008-12-29T15:11:00.002Z

Í apríl árið 2005, þegar ég var orðin fráskilin og einhleyp, tók ég próf þar sem ég átti að finna út hvernig týpu af karlmanni ég ætti að leita eftir. Ég fann þetta þegar ég var í letikasti yfir jólin og fór að lesa mig í gegnum gömul blogg og gat ekki annað en brosað. Það mætti halda að ég hafi haft þetta til hliðsjónar við val á nýjum kærasta. Þetta var sem sagt niðurstaðan:

Intellectual - You seek out intelligence. Idle chit-chat is not what you are after. You prefer your date who can stimulate your mind.
Adventurous - You are looking for someone who is willing to try new things and experience life to its fullest. You need a companion who encourages you to take risks and do exciting things.
Practical - You are drawn to people who are sensible and smart. Flashy, materialistic people turn you off. You appreciate the simpler side of living.

Jólakveðja

2008-12-23T13:17:00.004Z

Jæja, þá eru víst jólin alveg að fara að bresta á, enn eitt árið. Það er alveg merkilegt að þegar maður eldist, er eins og jólin séu nýbúin þegar þau skella á aftur. Ástandið í ár er nú ekki svo slæmt. Það er búið að kaupa allar jólagjafir, skrifa jólakort og baka. Það á í raun bara eftir að þrífa og skreyta.

Ekki svo slæmt.

Þar sem það gefst víst lítill tími til að skrifa, þegar maður er með skúringartuskuna í einari, þá ætla ég bara að kasta á ykkur jólakveðju og vona að þið hafið það gott yfir hátíðarnar.

Gleðileg jól!

Að segja sannleikann

2008-12-12T09:23:00.003Z

Ég var ósköp tvístígandi í gær. Í gær var nefnilega fyrsti í "skóútígluggann" og ég gat bara ekki ákveðið hvort ég ætti að segja syni mínum sannleikann, eða ekki. Ég velti þessu máli fyrir mér frá öllum hliðum. Hann er orðinn tíu ára og kannski kominn tími til að þess að hann vissi hver setti í skóinn. Ég var rög við að eyðileggja þessa stemmningu fyrir honum, en hafði að sama skapi áhyggjur af því að hann myndi verða fyrir aðkasti í skólanum. Hann er svo saklaus þessi elska og trúgjarn, en líka mjög viðkvæmur. Ég var því eiginlega búin að ákveða að segja þetta við hann "Sko ég veit ekkert um það hvort jólasveinninn sé til eða ekki, en ég set í skóinn"

En svo þegar hann kom til mín, fullur eftirvæntingar og var að spá í hvaða skó hann ætti að setja út í gluggann, féllust mér hendur. Ég bara fékk mig ekki til þess að segja neitt.

Þannig að málið er ennþá í biðstöðu og verður endurskoðað í dag.

Brjálað að gera

2008-12-10T18:00:00.003Z

Desember virðist ætla að vera mánuður, þar sem mikið er að gera í vinnunni. Það hentar ekki vel, þar sem ég vil hafa Desember rólegan og geta notið þess að undirbúa jólin. Það er kannski ástæðan fyrir því að ég er ekki komin í jólaskap. Ég er bara of stressuð.

Ég er svo sem búin að skipuleggja ýmislegt í kollinum, sem snýr að jólunum. Ég þarf bara að finna tíma til að framkvæma skipuleggingarnar.

Á einhver auka klukkustundir aflögu??

Jóla-hvað!

2008-12-01T10:28:00.002Z

Í dag eiga að vera 23 dagar til jóla. Það er ekki farið að örla á jólaskapi hjá mér. Ekki ögn. Ég hafði mig í það að setja upp jólaljós í gærkvöldi, hálf frosin og bölvaði þessu bara í sand og ösku. Fann aðventukransinn og kerti í hann, en gleymdi svo að kveikja á fyrsta kertinu. OG í dag er 1.desember og ég er ekki búin að græja dagatalið fyrir soninn. Þegar jólalögin hljóma í útvarpinu, slekk ég hreinlega á þeim. Ekki einu sinni reyna að minnast á jólagjafirnar við mig, nú eða smákökubakstur og jólahreingerningar. Ég verð bara pirruð.

Á þessum tíma hef ég yfirleitt verið sönglandi jólalög og farin að skipuleggja allt viðkomandi jólunum. Ég held bara að það sé ekki í lagi með mig í ár. Vill einhver senda mér smá jólaskap....plíííísss.

Hringtorg City

2008-11-20T22:56:00.002Z

Jæja, ég varð nú bara að rjúfa bloggpásuna með smá innskoti. Ég get bara ekki orða bundist. Það er verið að gera enn eitt hringtorgið í hverfinu mínu. Það mætti halda að þeir væru að reyna að slá met í heimsmetabókinni, með öllum þessum hringtorgum. Var þetta virkilega eina lausnin á málinu. Þegar fólk spyr mig hvar ég eigi heima, þá get ég einfaldlega sagst eiga heima í hverfinu með hringtorgunum. Einhverra hluta vegna dettur mér alltaf í hug lagið "Gekk ég yfir sjó og land", þegar ég keyri um hverfið mitt þessa dagana. "Ég á heima í hringtorgalandi" eða eitthvað í þeim dúr.

Ég held að ég sé farin að trúa sögunni um að skipulagsfræðingurinn hafi verið með kaffibolla þegar hann teiknaði hverfið og lagt hann frá sér nokkrum sinnum á miðri leið.

Ja hérna, ég segi nú ekki annað.

Bis bald.

Bloggleti

2008-11-09T12:39:00.002Z

Ég held að ég sé eitthvað hálf andlaus þessa dagana. Hef ekkert haft að blogga um nema undanfarnar helgar og það fer nú bara að verða leiðinleg lesning. Það er ekki það að það sé ekki nóg að gerast í mínu lífi, ég hef bara engan áhuga á að blogga um það.

Annars gæti maður hætt að hafa bloggið persónulegt og fara að blogga um það sem er að gerast í þjóðfélaginu. Það er víst af nógu að taka þar. Ég hef bara svo lítinn áhuga á því að ræða það ástand. Ég verð nógu mikið vör við það í vinnunni og annars staðar og mér finnst bara ekkert gaman að vera með svekkelsisblogg.

Svo þangað til ég finn andann koma yfir mig, ætla ég bara að taka smá pásu.

Bis bald.

Annað helgarblogg

2008-11-04T21:40:00.002Z

Jæja. Það er víst liðin önnur helgi. Hún var frekar annasöm.

Á föstudaginn átti sonurinn afmæli. Hann varð 10 ára þessi elska. Í tilefni afmælis mættu 11 vaskir drengir í köku, leiki, pizzu og DVD (einmitt í þessari röð). Það var ekki laust við að maður yrði soldið lúin eftir 4 tíma afmælið.

Fjölskylduafmælið var svo haldið í hádeginu á sunnudegi. Ég ákvað að bjóða bara systkinum mínum + fjölskyldum og hafa þetta létt og afslappað. Kjúklingasalatið sló heldur betur í gegn og síðan var skypefundur með liðinu á Florida.

Og núna bíð ég bara eftir næstu helgi...

Frábær helgi að baki

2008-10-27T13:42:00.003Z

Þessi helgi var alveg frábær. Ég skellti mér á tónleika með Nýdönsk á laugardagskvöldið og skemmti mér mjög vel. Þeir voru þrusugóðir og spiluðu bæði ný og gömul lög.

Sunnudagurinn var bara einu orði sagt frábær, frá upphafi til enda.

Og í dag, er ég sönglandi nýjasta lagið með Nýdönsk, þó að ég kunni textann ekki fullkomlega og það er ekki hægt að finna hann á netinu. Ég held að hann sé einhvern veginn svona:

Alla tíð
Engu skiptir þó að allt
Í kringum okkur virðist kalt
Því þú veist, hvað við eigum
Núna virðist krepputíð
Ekki skaltu kvíða því
Við eigum hvort annað

Alla tíð

Í þúsund ár, heila eilífð
Það er __________? (þarna vantar mig orðið, heyri ekki alveg hvað Daníel Ágúst segir)

Aftur komin helgi

2008-10-25T09:17:00.002Z

Mikið líður tíminn alltaf hratt. Það er bara skollin á önnur helgi.

Ég byrjaði helgarfríið á heimsókn til hennar Elínar minnar. Hún er búin að ganga í gegnum ýmsilegt undanfarið og því rík ástæða til að hitta hana og knúsa soldið. Hún leit bara mjög vel út og fallega brosið hennar var ekki langt undan. Alger hetja þessi stelpa.

Vaknaði snemma í morgun og var að sjálfsögðu sest fyrir framan tölvuna. Þessi Facebook er svo skemmtilega ávanabindandi. Verð nú samt að reyna að þrífa eitthvað og svo verður stefnan tekin upp í Dal eftir hádegi. Ég er í virkilegri þörf fyrir gott kaffi og ennþá meiri þörf fyrir spjall og þá er engin betri en hún systir mín. Að sjálfsögðu er líka mjög gaman að leika við litlu frænku. Hún brosir alltaf til Veigu frænku og þá bráðna öll vandamál bara einhvern veginn.

Svo er bara spurning hvort maður skellir sér á tónleika með Nýdönsk í kvöld.

Stjörnuspá dagsins

2008-10-20T11:31:00.002Z

Það er nú ekki oft sem ég les stjörnuspánna mína. En það var bara eitthvað í þessum orðum sem hitti einkar vel í mark.

Hún hljómar svona, skv. Morgunblaðinu:

Hrútur
Þú ert meira virði og veist af því. Hugrekkið felst í því að fara fram á meira. Þegar þú ert búinn að ganga frá fjármálunum getur þú haldið áfram að láta þig dreyma.

Önnur helgi framundan

2008-10-16T21:19:00.002Z

Mér finnst alveg ótrúlegt, að önnur viku sé liðin og aftur sé að koma helgi. Það er greinilega nóg að gera í mínu lífi þessa dagana, vikurnar bara hreinlega fljúga áfram. Þessa helgi er ætlunin að gera eitthvað skemmtilegt með syninum og hver veit nema maður fái litla dömu lánaða.

Annars er þetta lag mikið sungið á mínu heimili þessa dagana. Við mæðginin erum alveg að "fíla" það:

Og þegar þú komst inn í líf mitt breyttist ég.
Þú komst, þú komst við hjartað í mér.
Ég þori að mæta hverju sem er.
Þú komst, þú komst við hjartað í mér

Á diskóbar ég dansaði frá sirka tólf til sjö.
Við mættumst þar, með hjörtun okkar brotin bæði tvö.
Ég var að leita að ást, ég var að leita að ást.

Og þegar þú komst inn í líf mitt breyttist ég.
Þú komst, þú komst við hjartað í mér
Ég þori að mæta hverju sem er.
Þú komst, þú komst við hjartað í mér.

Það er munur á að vera einn og vera einmanna.
Ég gat ei meir, var dauðþreyttur á sál og líkama.
Ég var að leita að ást, ég var að leita að ást.

Og þegar þú komst inn í líf mitt breyttist ég.
Þú komst, þú komst við hjartað í mér.
Ég þori að mæta hverju sem er.
Þú komst, þú komst við hjartað í mér.

Sem betur fer þá fann ég þig hér.

Sem betur fer þá fann ég þig hér.

Sem betur fer þá fann ég þig hér.

Venda!

2008-10-12T20:01:00.003Z

Ég prófaði svolítið nýtt um helgina. Ég fór að sigla á seglskútu. Ég hafði aldrei prófað það áður, þe. að sigla fyrir seglum. OG mér fannst það rosalega gaman.

Ég komst að vísu að því að það getur verið hörkupúl að losa og festa kaðla og bönd, nákvæmlega á rétta augnablikinu. Ég varð gjörsamlega að treysa á skipstjórann, enda hafði ég engar áhyggjur af því að hann vissi ekki nákvæmlega hvað hann væri að gera. Ekki held ég nú að ég hafi gert mikið gagn í þessari sjóferð, enda hafði ég enga hugmynd út á hvað þetta gengi. Ég leysti bara bönd og herti bönd, nákvæmlega þegar mér var sagt að gera svo og svo stýrði ég víst eins og drukkinn sjóari.

Eins gott að Landhelgisgæslan var hvergi nærri.

EN þetta er eitthvað sem mig langar að gera aftur...og aftur. Það er svo stress-losandi að vera úti á sjó.

Skítt með kerfið

2008-10-10T20:27:00.002Z

Ég er að reyna að sporna gegn því að smitast af fólki í kringum mig, sem heldur að allt sé að fara til fjandans. Ég vinn hjá lífeyrissjóð og eyði miklum tíma í símanum þessa dagana, að reyna að hughreysta aðra. Ég hef líka lent í að hughreysta fólk í kringum mig, bæði vini og vandamenn. Auðvitað veit ég að ástandið er mjög alvarlegt, en það er bara lítið sem ég get gert til að breyta því.

Þess vegna ætla ég mér að búa á bleiku skýi og halda í bjartsýnina. Ég ætla að njóta þess sem ég á og vera þakklát fyrir að hafa heilsu, eiga hraust og falleg börn, frábæra fjölskyldu og góða vini.

Um helgina á svo að taka lífinu létt og gera eitthvað skemmtilegt.

Er það ekki bara málið??

Kjarklaus

2008-10-05T19:28:00.003Z

Á þessum tíma árs verð ég alltaf mjög stressuð. Ástæðan fyrir þessu stressi er einfaldlega sú að ég er á báðum áttum hvort ég eigi að setja nagladekk undir núna eða seinna. Ég reyni að fresta því eins lengi og ég get, en lendi þá stundum í aðstæðum eins og á föstudaginn. Þá þorði ég hreinlega ekki að keyra í hálkunni og þurfti að senda MR-inginn með leigubíl. Ég tók sjálf strætó og fannst það bara í góðu lagi.

Ég held að þetta megi rekja til ársins 1997, þegar ég lenti í árekstri á þessum árstíma. Hann var töluvert harður, bíllinn gjörónýtur og ég rotaðist. Eftir þennan árekstur missti ég bara kjarkinn og hef ekki þorað að keyra á sumardekkjum, ef það er minnsta hálka úti.

En svona er ég nú bara.

Bis bald.

Þung spor

2008-09-30T16:52:00.002Z

Jarðafarir eru aldrei auðveldar. Hvað þá þegar maður er að fylgja jafnöldru sinni úr grunnskóla, sem ákvað að lífið væri ekki þess virði að lifa því. Ungri fallegri konu, sem leið svo illa að hún sá ekki annan kost í stöðunni en að taka sitt eigið líf. Þeirri manneskju sem ákveður að enda líf sitt og yfirgefa börn sín, hlýtur að líða hræðilega illa.

Það kom mér á óvart hversu hreinskilinn og raunsær presturinn var í sinni ræðu. Hér áður fyrr var ekki talað opninskátt um sjálfsvíg, heldur farið í felur með hlutina. Presturinn talaði um hversu algeng sjálfsvíg væru orðin og hversu sorglegt það væri þegar fólk kysi að fara þessa leið. Hann lagði líka áherslu á það að sjálfsvíg væri algerlega á ábyrgð gerandans, það bæri enginn annar ábyrgð á verknaðinum. Þessum orðum beindi hann sérstaklega til eftirlifandi fjölskyldu og barna.

En samt sem áður læðist alltaf sú hugsun að manni, að kannski hefði maður getað gert eitthvað til að koma í veg fyrir þetta. Hvað ef...

Veikindi

2008-09-29T13:28:00.002Z

Það hlaut svo sem að koma að því. Eftir langt óreglutímabil, sagði líkaminn minn loksins stopp. Í morgun vaknaði ég með miklar kvalir í maganum og beinverki og hafði mig hreinlega ekki fram úr rúmi. Það var víst lítið annað hægt að gera í stöðunni en að hringja í vinnuna og tilkynna veikindi.

Í dag er ég svo ekkert búin að gera nema sofa eða dröslast um með andvörpum og vesældarsvip. Ég hef ekkert gaman af því að vera heima og láta mér leiðast og vona bara að ég vakni hress í fyrramálið. Svo er bara að snúa dæminu við, minnka stress, bæta matarræði, minnka bjórdrykkju og finna tíma til að hreyfa sig.

Þangað til, verð ég undir sæng og reyni að safna kröftum.

Bis bald.

Lag vikunnar

2008-09-25T12:58:00.002Z

Ég hef alltaf verið mikið Coldplay fan. Þetta lag kom mér í gegnum mjög erfitt tímabil í mínu lífi og hefur einhverra hluta vegna verið mér ofarlega í huga undanfarið. Ætla ekki að fara nánar út í það.

Fix you/Coldplay
When you try your best, but you don't succeed
When you get what you want, but not what you need
When you feel so tired, but you can't sleep
Stuck in reverse

And the tears come streaming down your face
When you lose something you can't replace
When you love someone but it goes to waste
Could it be worse?

Lights will guide you home,
And ignite your bones,
And I will try to fix you,

High up above or down below
When you're too in love to let it go
But if you never try you'll never know
Just what you're worth

Lights will guide you home
And ignite your bones
And I will try to fix you

Tears stream down your face
When you lose something you cannot replace
Tears stream down your face
And I

Tears stream down your face
I promise you I will learn from my mistakes
Tears stream down your face
And I

Lights will guide you home
And ignite your bones
And I will try to fix you

Groundhog day?

2008-09-19T19:11:00.003Z

Á hverjum morgni keyri ég mína vanalegu leið í vinnuna. Það gerist varla nokkuð merkilegt á þeirri leið. EN í gær rak ég augun í eitthvað sem fékk mig til að hugsa. Skiltið hjá Sprengisandi (Pizza Hut) sýndi ennþá 17-9. Skrýtið hugsaði ég, gæti verið mögulegt að ég væri að upplifa 17. september aftur. Ætli svona fyrirbæri eins og er í bíómyndinni "Groundhog day" gæti raunverulega gerst. Verst að það gerðist ekkert merkilegt þennan dag.

Ég veit alveg hvaða dag ég væri tilbúin að endurlifa nokkrum sinnum. Það væri fjörutíu ára afmælisveisla mágs míns sem var haldin núna í ágúst. Veislan var bara "snilld" í einu orði sagt. Frá upphafi til enda.

Það væri sko kvöld sem vert væri að endurtaka.

Eniga meniga

2008-09-15T12:33:00.002Z

Mig vantar peninga. Ég er eins og svo margir aðrir farin að finna aðeins fyrir lægð í fjármálum. Ekki bætir úr skák að þurfa að láta gera við bremsur á bílnum tvisvar og þurfa að borga 35 þús. kr. í hvort skiptið. OG auðvitað var ekki ókeypis að láta draga úr sér endajaxl. Það er nú ekki eins og maður geti hrist þetta fram úr erminni.

EN það má ekki misskilja mig, ég er alls ekki að kvarta. Tja allavega ekkert alvarlega. Ég veit að það er fullt af fólki sem er í alvöru fjárhagserfiðleikum.

Stundum væri bara ágætt að eiga peningatré, eða kreditkort sem þyrfti ekki að borga af eða...

Ellefti september

2008-09-11T22:52:00.002Z

Í dag minntist fólk þeirra hræðilegu atburða sem gerðust í New York árið 2001. Ég minnist þessa dags líka af öðru tilefni. Þetta er dagurinn sem skilnaðurinn minn varð endanlegur. Þetta er dagurinn sem fyrrverandi maðurinn minn, maðurinn sem ég hafði búið með í fjórtán ár, setti föt í tösku og gekk út. Þó að báðir aðilar væru sáttir við þessa ákvörðun, var hún langt frá því að vera auðveld.

Í dag, fjórum árum seinna, er ég sáttari með lífið. Það tók mig töluverðan tíma að vinna mig út úr skilnaðinum, en það var þess virði. OG ég er búin að komast að því að ég get nú alveg ýmislegt sjálf. Næsta mál á dagskrá er að ráðast á viftuna inn á baði og reyna að skipta um hana. Er það nokkuð mál??

Á laugardaginn ætla ég að skála fyrir skilnaðinum. Ég horfi björtum augum fram á veginn og veit alveg að ég get, skal og ætla...alveg sjálf.

Pabbi minn

2008-09-08T12:44:00.002Z

Elsku pabbi minn hefði orðið 63 ára í dag. Mér verður alltaf hugsað til hans í þessum mánuði, bæði af því að hann átti afmæli 8.september og einnig af því að hann lést 16.september. Þó að það séu komin 17 ár síðan hann lést, sakna ég hans og hugsa oft til hans.

Þetta lag kemur alla tíð til með að minna mig á hann:

You've got a friend
When youre down and troubled
And you need a helping hand
And nothing, whoa nothing is going right.
Close your eyes and think of me
And soon I will be there
To brighten up even your darkest nights.

You just call out my name,
And you know whereever I am
Ill come running, oh yeah baby
To see you again.
Winter, spring, summer, or fall,
All you have to do is call
And Ill be there, yeah, yeah, yeah.
Youve got a friend.

If the sky above you
Should turn dark and full of clouds
And that old north wind should begin to blow
Keep your head together and call my name out loud
And soon I will be knocking upon your door.
You just call out my name and you know where ever I am
Ill come running to see you again.
Winter, spring, summer or fall
All you got to do is call
And Ill be there, yeah, yeah, yeah.

Hey, aint it good to know that youve got a friend?
People can be so cold.
Theyll hurt you and desert you.
Well theyll take your soul if you let them.
Oh yeah, but dont you let them.

You just call out my name and you know wherever I am
Ill come running to see you again.
Oh babe, dont you know that,
Winter spring summer or fall,
Hey now, all youve got to do is call.
Lord, Ill be there, yes I will.
Youve got a friend.
Youve got a friend.
Aint it good to know youve got a friend.
Aint it good to know youve got a friend.
Youve got a friend.

Mig auma

2008-09-04T18:56:00.003Z

Í dag gekk ég í gegnum þá lífsreynslu að fara í endajaxlatöku. Ég var náttúrulega búin að heyra alls kyns sögur af því hvað þetta væri hræðilega vont og var því fremur stressuð. EN þetta var bara ekkert mál. Sjálf aðgerðin gekk hratt og vel fyrir sig og ég kvaddi tannlækninn með fullan munn af grisju.

Núna fjórum tímum síðar, er ég bara nokkuð brött. Einhverjir verkir eru til staðar, þrátt fyrir verkjalyf, en ekkert óbærilegir. Ég hef mestar áhyggjur af því að fá svokallað "dry-socket", sem getur myndast ef blóðköggul nær ekki að myndast í "holunni". Þá verður tannbeinið bert og getur myndast sýking. Það er víst voðalega sárt.

Ég fékk litlar leiðbeiningar frá tannlækninum, svo ég hef verið að notast við netið. Þar hef ég komist að því að ég má ekki neyta "harðrar" fæðu í 72 tíma, ekki drekka áfengi í 48 tíma og ekki reykja í 72 tíma. Ég á að bursta í mér tennurnar í kvöld, en forðast að komast nálægt "holunni". Ég er að hugsa um að taka því rólega í kvöld og setjast fyrir framan sjónvarp með banana og skyr. Er það ekki nógu "mjúk" fæða?

Emm Err

2008-09-02T16:54:00.003Z

Ég lagði á mig mikla hættuför í gærkvöldi. Ferðinni var heitið í MR. Sem fyrrverandi Verslingur, er það mér í blóð borið að vantreysta MR-ingum. Ég íhugaði að taka með mér Viva Versló merkið mitt, mér til halds og traust, en ákvað að vera hugrökk og stíga fæti mínum inn í þennan voðalega skóla.

Leiðin lá fyrst í Ráðhúsið þar sem rektor skólans tók á móti foreldrum. Hann fór hægt og rólega í gegnum helstu þætti skólans, talaði á hálfum hraða. Eftir fleiri ræður, var haldið yfir í MR. Þar hittum við umsjónarkennara og fengum að sjálfsögðu heilmikið lestrarefni með okkur heim.

Þegar upp var staðið var skólinn ekkert svo skelfilegur. Þessir meintu erkifjendur mínir, reyndust bara vera hið almennilegasta fólk. Ég íhugaði alvarlega að gefa kost á mér í stjórn foreldrafélagsins, en hætti við á síðustu stundu. Það hefði kannski verið fullmikið.

Bis bald.

Pistill helgarinnar

2008-08-31T13:09:00.002Z

Þá er enn ein helgin að verða búin. Það er ekki hægt að segja annað en að hún hafi verið nokkuð vínlegin.

Á föstudeginum var haldið Mexico-partí hjá matarklúbbnum. Fjörið bregst aldrei þegar sá hópur kemur saman. Við systurnar háðum hálfgert Singstar einvígi, vorum hnífjafnar eins og venjulega og deildum því með okkur sigrinum. Hápunktur kvöldsins var samt tequila leikurinn, sem gekk út að að framkvæma þetta hefðbundna salt-tequila-sítróna, með lítinn plasthatt á hausnum. Sá sem missti hattinn af hausnum þurfti að taka annað skot. Ég þurfti þrjú til á ná tækninni.

Á laugardagskvöldinu var svo búið að ákveða að skella sér á Stuðmannaballið á Nesinu. Þrátt fyrir að ég sé löngu flutt af Nesinu, þá er maður nú alltaf Nesbúi inn við beinin. Fullt af fólki og mikið stuð, sem hélt svo áfram niðrí miðbæ fram undir morgun.

Og dagurinn í dag, það er spurning. Eitthvað þarf maður víst að framkvæma hérna á heimilinu og svo er aldrei að vita nema maður skelli sér í bíó í kvöld.

Bis bald.

Er kominn vetur?

2008-08-25T13:08:00.003Z

Þá er vetrarrútínan skollið á af öllum þunga. Ég held að þetta eigi alveg eftir að ganga upp hjá okkur, en það má þó lítið út af bregða. Það þarf að koma dótturinni í strætó niðrí Mjódd, helst ekki seinna en kl. 7.25 og síðan þarf að vekja morgunhressa drenginn. Hann er fremur seinn að koma sér á fætur og í raun það eina sem er vaknað á honum á morgnana er munnurinn. Hann virðist hafa svakalega mikla þörf fyrir djúpar samræður svona í morgunsárið. Móðir hans er kannski ekki alveg jafn morgunhress, eða amk ekki tilbúin í djúpar samræður.

Annars var helgin fremur róleg. Við mæðginin tókum nú ekki mikinn þátt í menningarlegum viðburðum á laugardaginn, en röltum samt aðeins um laugarveginn um kvöldið. Síðan var okkur boðið að sigla á nýju skútunni, sem hefur ekki fengið nafn. Það var sko ekki amarlegt. Skútan er einu orði sagt glæsileg. Þrjár káetur, tvö baðherbergi og eldhús er töluvert meiri flottheit en voru um borð í þeirri skútu sem fyrir var. Ég get ekki beðið eftir að fá að sigla aftur, og þá helst fyrir fullum seglum.

Annars bara á kafi í vinnu þessa vikuna og bíð spennt eftir næstu helgi.

Lag vikunnar

2008-08-25T12:04:00.002Z

Ég veit að ég get varla kallað þetta lag vikunnar, því ég birti svona texta bara svona þegar þannig liggur á mér. EN ég ætla mér samt að halda mig við þann titil. Þetta lag er búið að vera mér ofarlega í huga undanfarið, auðvelt að fá þennan texta á heilann.

Eina ósk
Ef ég ætti eina ósk veistu hvers ég mundi óska mér?
Reyndu að giska á hvers eðlis þessi ósk mín er.
Ef þú þekktir mig þú mundir geta svarað því,
þú mundir á mér sjá hvað það er sem mig langar í.

Eina ósk – ég væri ekki í vafa hvers ég óskaði mér?
Eina ósk – ég mundi enn á ný eyða eyða nótt hjá þér.
Eina ósk – í peninga og völd ... nei það er af og frá.
Eina ósk – ég vild miklu fremur vera þér hjá.

Alveg síðan fyrst er augum hafði litið þig
þá kviknaði sú von að þú myndir elska mig
og ef ég ætti eina ósk þá veistu hvers ég óska mér.
Þú hlýtur nú að sjá hvers eðlis óskin er.

Tíminn er að líða.
Ég má aðeins bíða.

Eina ósk – ég væri ......

Dagur 5-6

2008-08-22T10:17:00.003Z

Fimmtudagurinn var alfarið notaður í að þramma á milli búða, enda var ekta íslenskt sumarveður, rigning og rok. Dótturinni fannst það ekki slæmt. Þegar pokarnir voru farnir að hrannast upp, var ákveðið að fjárfesta í nýrri tösku. Það hafði verið fyrirfram ákveðið, því við gátum nú alveg sagt okkur það að ein taska myndi aldrei nægja á heimleiðinni. Að vandlega athugðu máli, var keypt taska sem hét því skemmtilega nafni "John Lewis" (í höfuðið á verslunarkeðjunni). Hún var því aldrei kölluð annað en Jón og verður það um ókomna tíð. Hún kemur til með að verða ágætis ferðafélagi fyrir Daníel, en það er nafnið á töskunni sem fyrir var.
Um kvöldið var síðan ráðist í að pakka öllu niður í töskur og þá dugði ekkert annað en nota tækni móður minnar sem er þekkt fyrir að koma miklu í litlar töskur.

Á föstudeginum, byrjuðum við á að tékka okkur út og setja töskur í geymslu því heimflug var ekki fyrr en um kvöldið. Síðan var stefnan tekin á Tower of London. Ég var mjög spennt fyrir þeirri heimsókn, því ég er mikil áhugamanneskja um sögu og þessi staður einn af þeim merkari í enskri sögu. Ég varð ekki fyrir vonbrigðum með heimsóknina, við fengum fróðan og skemmtilegan leiðsögumann sem leiddi okkur um húsakynnin. Það var ekki laust við að það færi aðeins um við þegar maður snerti á veggjum þessa sögufræga staðs.
Áður en við vissum af var klukkan að nálgast þrjú og tími kominn til að gera aðra tilraun til að heimsækja Westminister Abbey. EN við erum alltaf jafn heppnar, kirkjan lokaði kl. 15.30 og við urðum of seinar. Mér fannst þetta ekki einu sinni fyndið í þetta skiptið.
Þegar fór að síga á seinni hluta dagsins var farið upp á hótel og töskur sóttar. Sem betur fer reyndist bara vera 45 mín. seinkun á heimflugi. Þegar mér var litið út um glugga flugvélarinnar, rétt þegar hún var að takast á loft, sagði ég við sjálfa mig "Bless í bili London. Ég kem aftur."

Dagur 3-4

2008-08-22T09:55:00.003Z

Þriðjudagurinn fór að mestu leyti í verslunarleiðangur í Covent Garden. Við fórum að vísu töluvert seinna af stað en áætlað var, en ég ætla ekki að fara nánar út í það af tillitsemi við dótturina. Í Covent Garden er hægt að finna flesta merkjavöru og þá flest þau merki sem dóttirin notar.

Miðvikudeginum var skipt í tvennt. Fyrri hlutinn var notaður í áframhaldandi verslunarráp á Oxford stræti, en síðan var haldið á Camden markaðinn. Ég hafði heyrt að það væri ómissandi hluti af því að upplifa London, að kíkja á þennan sögufræga markað og upplifa stemmninguna. Við vorum hrifnar af markaðnum, sem bauð upp á fjölbreytt mannlíf, en vorum sammála um það að Portobello Road markaðurinn í Notting Hill hefði verið skemmtilegri.

Um kvöldið áttum við pantað borð á veitingastaðnum Asia de Cuba. Ég hafði heyrt margt gott um staðinn og var því spennt að prófa hann. Og ég varð ekki fyrir vonbrigðum. Þjónustan var frábær og maturinn ekki síðri. Við ákváðum að deila með okkur tveimur réttum og völdum okkur "Hoisin Duck" og "Honey-rum glazed pot roast of pork". Báðir réttirnir voru fullkomnir. Dóttirin vildi endilega fá sér eftirrétt, en ég ákvað að láta mér nægja einn Mojito eftir matinn, því ég var bara allt of södd fyrir eftirrétt. Hún valdi sér "Cuban Coffee Brownie", og það verður að segjast að þetta var besta súkkulaðikaka sem ég hef smakkað. Já, ég varð að smakka á þessari köku, hún var bara of góð til að sleppa því.
Í heildina var þetta frábært kvöld, alger matarfullnæging og að sjálfsögðu eignaðist ég vini. Lenti á spjalli við tvo herramenn á næsta borði og hefði setið lengur að spjalli ef þjónninn hefði ekki gefið okkur illt auga (vorum búnar að borða og borga)

Dagur 1 og 2

2008-08-20T13:33:00.003Z

Eftir tæplega átta tíma seinkun var loksins lagt af stað til London. Það var ekki ferðast með Iceland Express, heldur pínulítilli flugvél frá Titan Air, sem hafði verið leigð til að redda málunum. Það fór soldið um mig þegar ég sá blessaða flugvélina, hún var rúmlega einu númeri minni en þær vélar sem maður er vanur að ferðast með. Ég reyndi bara að ímynda mér að ég væri í einkaþotu og þá leið mér ögn betur. Að öðru leyti fór sunnudagurinn að mestu í ferðalög, með flugvél og tveimur lestum.

Mánudagurinn var stóri dagurinn í ferðinni, því þá náði dóttirin þeim merka áfanga að verða 16 ára. Við ákváðum því að taka daginn rólega og skella okkur niðrí Kensington hverfið. Byrjuðum á því að rölta í Holland Park garðinum og dást að blómum og íkornum. Við röltum í rólegheitunum, alveg þangað til að við heyrðum mikið óp og öskur, rétt eins og brjálaður maður væri á ferð. Þar sem við virtumst vera aleinar í garðinum (fyrir utan brjálæðinginn) fórum við ósjálfrátt að greikka sporið og urðum ekki rólega fyrr en við sáum fleira fólk á ferli. Þá gátum við náttúrulega bara hlegið að þessu.
Þegar við komum niður á Kensington High Street, varð dóttirin aðeins að kíkja í nokkrar búðir. Við röltum svo niður í Harrods, þar sem hvorug okkar hafði komið í þá merkilegu búð. Ég gat platað dótturina til að máta forlátan Valentino síðkjól, sem kostaði aðeins um hálfa miljón. Það var nú samt ekkert miðað við verðið á sumum kjólunum og skartgripunum sem hægt var að versla í þessari búð.

Um kvöldið var síðan farið út að borða á þokkalegan veitingastað, sem var innifalinn í leikhúspakka kvöldsins. Hápunktur kvöldsins var síðan Mamma Mia! söngleikurinn. Dóttirin, sem er búin að sjá bíómyndina þrisvar sinnum, tjáði mér að verkið væri miklu flottari á sviði. Það var mikið hlegið og í lokin fengu síðan áhorfendur að standa upp og spreyta sig á söngnum. Það fannst mér ekki leiðinlegt.

Lífið er yndislegt

2008-08-18T23:11:00.003Z

Það er komið mánudagskvöld og ég hef ekki ennþá getað fundið tíma til að setjast niður og skrifa ferðasögu. Þetta er einfaldlega vegna þess að það er búið að vera allt of mikið að gera hjá mér. Ég hef ekki einu sinni náð að ganga frá öllum þeim níu skópörum sem voru keypt í London, nú eða þá fötunum. Ég þarf að endurskipuleggja fataskápinn frá grunni og finna pláss fyrir ný föt og skó.

Helgin hjá mér var í einu orði sagt frábær. Ég fór í skemmtilegasta fertugsafmæli ever, hellingur af víni og hellingur af skemmtilegu fólki. Þegar þú setur þetta tvennt saman, getur útkoman bara orðið fullkomin. Afmælið var á laugardagskvöldinu, en þeir sem voru duglegastir við að skemmta sér fóru ekki heim fyrr en á sunnudagskvöldinu. Og að sjálfsögðu var ég þar á meðal.
Brekkusöngur og varðeldur, rauð, græn og gul skot OG kakó og Stroh. Það eru minningarnar sem eiga eftir að vistast í langtímaminninu, nú og svo að sjálfsögðu líka gisting í eldgömlum tjaldvagni.

Og söngurinn sem á eftir að óma í minningunni er að sjálfsögðu "Lífið er yndislegt". Nema hvað.

Byrjar vel

2008-08-10T00:41:00.002Z

Jæja, það mátti svo sem alveg eiga von á þessu, fyrst maður valdi að ferðast með Iceland Express (nafnið hlýtur að vera brandari). Það verður seinkun á fluginu okkar á morgun, heilir 7,5 tímar, amk eins og staðan er núna. Áttum að fara í loftið kl. 7.50, förum skv. nýrri áætlun í loftið kl. 15.30. Það þýðir að morgundagurinn er ónýtur.

Og það er náttúrulega lítið hægt að gera í því. Vona bara að 15.30 haldist,svo við verðum komnar á skikkanlegum tíma til London.

Annars bara nokkuð sátt.

Aftur til vinnu

2008-08-05T00:24:00.002Z

Þá er skyldufríinu lokið og vinna hefst aftur á morgun. Það er að vísu stutt í næsta frí, aðeins ein vika. Þá liggur leiðin til London í heila sex daga.

Ég afrekaði nú ekki ýkja mikið í þessu fríi. Ég lá í sólbaði, fór í ræktina, skoðaði fartölvur og náði að þrífa bílinn minn almennilega að innan. Helginni eyddi ég síðan í sumarbústað í Grímsnesi ásamt "aðalgenginu". Kom heim í gær og skellti mér í bíó með dótturinni. Við sáum Batman, sem var bara nokkuð góð að mínu mati. Jókerinn er flottur, Batman er flottur og svo á hann svo flott dót. Hún var að vísu aðeins í lengri kantinum, en alveg þess virði að sjá hana.

Eitthvað segir mér að það eigi eftir að verða erfitt að vakna til vinnu í fyrramálið.

Bis bald.

Ekki aftur á völlinn

2008-07-31T10:47:00.002Z

Ég held að ég láti það í friði að fara aftur á völlinn. Eftir tapleikinn í gær, er hvort eð er búið að banna mér að mæta. Ég hef bara séð tvo tapleiki, svo það er spurning hvort nærvera mín boði ógæfu. Knattspyrnumenn eru nefnilega svo hrikalega hjátrúafullir. Ég verð því að snúa mér að einhverju öðru sporti..samhæft sund kemur sterklega inn.

Annars virðist sólin ekki ætla að láta sjá sig í dag og þá er tími til að fara í útréttingar. Ég þarf að skoða fartölvur fyrir dótturina og svo er nú farið að vera langt síðan ég hef heimsótt hana ömmu mína.

Bis bald.

Skyldufrí

2008-07-29T09:48:00.002Z

Þessa viku er ég í sumarfríi. Það er ekki sumarfrí sem ég valdi að taka, heldur er fyrirtækinu lokað og allir skikkaðir í frí. Ég er fremur örg yfir þessu, þar sem ég vil nýta sumarfríið mitt með börnunum mínum og þau eru hjá föður sínum þessa viku. Finnst fremur hallærislegt að geta ekki stjórnað því hvenær ég nýti mína sumarfrídaga.

Fyrst ég er í fríi, ætla ég mér að reyna að nýta það til ýmissa útréttinga og heimsókna. Það á ennþá eftir að kaupa fartölvu fyrir dótturina, svo það er fyrsta mál á dagskrá. Reyndar hef ég lítið vit á því hvaða staðalbúnaður er nauðsynlegur í svona tölvum, en verður maður ekki bara að reyna að gera sitt besta.

Annars má nú alveg vera sólbaðsveður, svo ég geti legið í afslöppun á fína pallinum mínum.

London calling...again

2008-07-27T16:22:00.004Z

Tvær vikur til stefnu. Tvær vikur þangað til við mæðgurnar verðum að rölta um stræti Lundúna. Þetta verður ögn afslappaðri ferð en síðast, en samt nóg að gera. Hápunktur ferðarinnar, að mínu mati, verður 16 ára afmælisdagur dótturinnar. Þá ætlum við að skella okkur út að borða og svo á Mamma Mia. Annað hefur ekki verið planað, fyrir utan kvöldmat á Asia de Cuba. Mér er sagt að maturinn þar sé mjög góður. Kannski nær hann að slá út Hakkasan, sem við fórum á í fyrra.

Annars verðum við bara góðar í skoðunarferðum og afslöppun. Ef ég þekki dóttur mína rétt, verður líka eitthvað gert af því að þramma um Oxford stræti. Eins gott að muna eftir því að taka með sér þægilega skó.

Og hitinn í London í dag...28 gráður.

Heimilisverndarnefnd

2008-07-25T09:08:00.002Z

Það er nú kannski eins gott fyrir mig að sú nefnd er ekki til. Annars væri ég í vondum málum. Í öllum galsanum undanfarið, hef ég nefnilega verið að vanrækja heimilið mitt.

En ekki lengur.

Í kvöld ætla ég mér að vera heima og reyna að taka upp tusku. Segja rykinu stríð á hendur. Hver veit nema ég opni eina rauðvínsflösku í leiðinni. Það er eitthvað sem segir mér að það verði miklu skemmtilegra að þrífa með rauðvín í einari..

Önnur helgi framundan

2008-07-24T12:59:00.003Z

Þá er vikan langt komin og stefnir í aðra frábæra helgi. Það er búið að plata mig á djammið á laugardaginn..nema hvað, en svo held ég jafnvel að ég fari að láta þetta verða gott í bili. Ég veit ennþá ekkert hvað planið er eða hvert ég fer, enda er það bara gaman.

Annars er ég að fara að passa í kvöld. Systir mín og mágur ætla að skella sér á tónleika og ég var fljót að bjóða mig fram í pössun. Hlakka bara til að knúsa litlu frænku mína og galsa soldið í henni.

Life is good.

Úti alla nóttina

2008-07-21T09:31:00.002Z

Ég veit að það þykir svo sem ekkert merkilegt, en ég afrekaði það á laugardagsnóttina að vera úti alla nóttina. Það var eitt af því sem mig langaði að afreka í sumarfríinu, þe. að vera úti á bjartri sumarnótt. Svo nú get ég krossað það út af listanum. Svo er aldrei að vita nema ég endurtaki þetta næsta laugardag, sérstaklega ef veðrið verður gott.

Annars var helgin soldið flókin fyrir mig. Það er þetta með þessar tilfinningar sem stundum viljast flækjast fyrir manni...sérstaklega þegar maður veit eiginlega ekkert hvað er í gangi, eða hvað maður vill. En annars er lífið bara nokkuð gott, sérstaklega eftir svona frábæra helgi. Ekki laust við að þreytan segi svolítið til sín í dag.

Annars bara nokkuð sátt.

Lag vikunnar

2008-07-18T10:20:00.003Z

Þetta lag hefur verið ofarlega í mínum huga þessa vikuna. Alveg í takt við mitt líf undanfarið.

Its no good/Depeche Mode
I'm going to take my time
I have all the time in the world
To make you mine
It is written in the stars above
The gods decree
You'll be right here by my side
Right next to me
You can run, but you cannot hide

Don't say you want me
Don't say you need me
Don't say you love me
It's understood
Don't say you're happy
Out there without me
I know you can't be
'cause it's no good

I'll be fine
I'll be waiting patiently
Till you see the signs
And come running to my open arms
When will you realise
Do we have to wait till our worlds collide
Open up your eyes
You can't turn back the tide

Don't say you want me
Don't say you need me
Don't say you love me
It's understood
Don't say you're happy
Out there without me
I know you can't be
'cause it's no good

I'm going to take my time
I have all the time in the world
To make you mine
It is written in the stars above

Don't say you want me
Don't say you need me
Don't say you love me
It's understood
Don't say you're happy
Out there without me
I know you can't be
'cause it's no good

Allir á völlinn

2008-07-15T08:56:00.002Z

Eitt af því sem ég hef alltaf ætlað mér að gera er að horfa á bróður minn spila fótbolta. Hann spilar með meistaraflokki Gróttu. Í kvöld er heimaleikur hjá Gróttu og hvernig sem viðrar, ætla ég mér að mæta. Það er orðið svo langt síðan ég hef farið á fótboltaleik, en ef minnið svíkur ekki hafði ég virkilega gaman af því að fara á leiki hérna í den.

Í gær skellti ég mér á útsölur. Fór í Ikea og keypti fullt af hlutum í eldhúsið. Ég er að sprengja skápana í eldhúsinu, þeir eru troðfullir af dóti. Ég er svona að vona að með þessu sólskini sem er búið að vera í mínu lífi undanfarið, vakni aftur áhuginn á því að elda. Ég var virkilega dugleg að prófa ýmislegt nýtt þegar ég var í hjónabandi, en svo dó áhuginn með hjónabandinu. Hver veit nema ég geti endurvakið hann (áhugann á ég við).

Þetta er að verða svona mánuðurþarseméggerialltþaðsemégætlaðiméralltafaðgera. Nú er bara að fara að herja á vinkonur í næstu viku, ef þær eru heima.

Hvað á ég að gera næst?

2008-07-09T21:37:00.002Z

Næsta mánuðinn á ég mig sjálf. Ég verð barnlaus og get eiginlega gert það sem mig langar til. Ég ætla að nota tækifærið og gera allt það sem mig langar til að gera, ég ætla að heimsækja vini (sérstaklega þá sem ég hef ekki séð í óratíð), vera dugleg að hreyfa mig, fara á kaffihús, fara í bíó og fara út á lífið.

Ég elska börnin mín út af lífinu og sakna þeirra mikið, en stundum verður maður að lifa fyrir sjálfan sig.

"Frelsið er yndislegt
ég geri það sem ég vil.
Skyldi maður verða leiður á því
til lengdar að vera til?"

Fyrsti í frelsi

2008-07-05T11:50:00.003Z

Þetta lítur út fyrir að ætla að verða mjög góð helgi. Það verður þá önnur góð helgin í röð. Ég fór út að borða í gær, með góðum vin. Við vorum eitt sinn bestu vinir, en höfum nýlega endurnýjað kynnin. Það rifjast upp fyrir mér í gærkvöldi, af hverju við vorum svona góðir vinir.

Við byrjuðum kvöldið á að fara á besta veitingarstaðinn í bænum (Santa Maria fyrir þá sem eru ekki að fylgjst með). Staðurinn var þéttsetinn og stemmningin mjög góð. Ég fékk mér uppáhaldsréttinn minn, sem er núna númer 13 á matseðlinum. Eftir kaffi á Kaffi París fórum við í heimahús, þar sem ég kynntist nýju fólki. Þaðan var svo haldið aftur niður í bæ og helstu staðir þræddir. Það var augljóst að margir höfðu lagt leið sína út úr bænum þessa helgina, því það var frekar fámennt í bænum. Það var meira að segja hægt að komast inn á dansgólfið á Apótekinu.

Jæja, to cut a long story short(hehe mikið notað í gær), þá var þetta skemmtilegt kvöld, með góðu fólki. Lag kvöldsins var klárlega Stripped með Ramstein. Það rokkar!

All night long

2008-07-01T17:35:00.002Z

Mér finnst þetta lag mjög viðeigandi þessa stundina. Lífið er létt og skemmtilegt, enda sumar og sólin skín (amk. í mínu hjarta).

All night long
The sun is up
I’m feeling great
I’m just enjoying life
Right here in the shade
Lets take a ride, right away
I’ll be by your side
So easy, the easy life
Celebrate the good times

All night long
All night long
Celebrate good times
Come on
All night long

Who’s to tell
What’s to come
All I know is tomorrow
Today will be gone
Get out, out of bed
Put on your blue suede shoes
Get up, up and dance
Celebrate the good times

All night long
All night long
Celebrate good times
Come on
All night long

All night long
All night long
Celebrate good times
Come on
All night long

If your life is like a sad song maybe
You should try and celebrate it, celebrate it

All night long
All night long
Celebrate good times
Come on
All night long

Stayin' alive

2008-06-27T18:12:00.003Z

Samkvæmt afmælisboðskorti sem ég fékk, eru 30 ár síðan eðalmyndin Saturday Night Fever var frumsýnd. Þar af leiðandi verður diskóþema í boðinu. Ég er næstum búin að setja saman dressið. Fann meira að segja ekta diskó skó á útsölu í dag. Þeir eru gylltir. Nú á bara eftir að redda glimmer-hárlakki og glimmer á líkamann og þá held ég að dressið sé komið. Þetta verður bara gaman.

Annars náði ég þeim merka áfanga í dag að klára að bera á blessaðan pallinn. Ég var farin að vera hálf örg yfir þessu verki, svo ég er mjög fegin að þetta er búið...í bili. Í tilefni þess að því er lokið, ætla ég að skála fyrir mér í afmælinu á morgun. Og svo skálar maður fyrir afmælisbarninu.. og góða veðrinu.. og lífinu.

Sagan endalausa

2008-06-18T23:47:00.002Z

Það þarf varla að hafa mörg orð um það sem er helst að gerast í mínu hversdagslega lífi þessa stundina. Það virðist ætla að taka mjög langan tíma að bera á þennan blessaða pall og ekki finnst alltaf tíminn til þess. Ég hef verið að reyna að grípa þær stundir sem gefast. Ég get að vísu lítið kvartað yfir veðrinu, því það hefur hagað sér skikkanlega. Þetta er bara svo rosalega seinlegt. Dóttirin hefur verið virkjuð í málningavinnu þegar hún er heimavið, en annars hef ég verið að dunda mér ein við þetta.

Ég reyni bara að hugsa jákvætt og einblína á hvernig ég ætla að fegra pallinn minn þegar málningarvinnu er lokið.

Þreyta í sumarfríi

2008-06-12T21:15:00.003Z

Það er svo mikið að gera í sumarfríinu, en samt kemst ég ekki yfir að gera allt saman. Það þarf að útrétta ýmislegt, taka til í skápum og fleiru sem venjulega gefst ekki tími til, fara í heimsóknir út og suður OG pússa og bera á pallinn. Í gær leigði ég mér juðara hjá BYKO og svo var ráðist á pallinn og hann pússaður. Á morgun stendur svo til að bera á ferlíkið (rúmlega 50 fermetrar), helst að ná að klára tvær umferðir. Nágranni minn tjáði mér að þeir hefðu verið tveir að bera á samskonar pall og það hefði tekið þá 16 klst. Það þýðir að það mun taka mig eitthvað töluverð lengri tíma en það. Dóttirin ætlar að hjálpa mér, svo við verðum bara að vera duglegar.

Annars er ég í hálfgerðu sjokki. Haldið þið ekki að þegar á hólminn var komið, hafi dóttir mín valið MR (klukkan 23.15 í gærkvöldi). Hún átti í mestu erfiðleikum með að velja á milli MR og Versló, en valdi MR vegna sterkari möguleika á áframhaldandi námi í læknisfræði. Ég styð hana 100% í sínu vali og vona að hún verði glöð í sínum skóla, en ég neitaði því ekki að það fór aðeins um gamla Verslinginn. Ég hélt því í fínu bleiku búðina til hennar Elínar minnar í dag og fékk áfallahjálp (og rosalega gott latte).

Stolt móðir part 2

2008-06-04T22:53:00.002Z

Ég er svo stolt af börnunum mínum. Þau stóðu sig bæði svo vel í prófunum. Sonurinn kom heim með þessa fínu einkunn, 10 í stærðfræði, 10 í lesskilning og 9,5 í málfræði. Gerði eina villu í stafstetningunni.

Í kvöld var svo útskrift hjá 10. bekkingnum mínum. Hún var að kveðja skólann sinn og gerði það með stæl. Var kölluð upp á sviðið, þrisvar sinnum, til að taka við verðlaunum. Hún hlaut verðlaun fyrir bestan árangur í íslensku og samfélagsfræði og svo fyrir hæðstu einkunn í samræmdu prófunum. Ég varð svo stolt og hrærð að það munaði minnstu að ég brysti í grát.

Ég sagði við dótturina, að minningar kvöldsins yrðu vistaðar í langtímaminninu. Það eru svona stundir sem gefa lífinu lit.

Stolt móðir

2008-05-30T15:47:00.001Z

Ég hef ærna ástæðu til að vera stolt af dóttur minni í dag. Hún var að fá niðurstöður úr samræmdu prófunum, sem eru vægast sagt glæsilegar. Meðaleinkunn upp á 8,8, sem skiptist þannig:

Íslenska 9,5
Stærðfræði 8,5
Enska 9,5
Danska 8,5
Náttúrufræði 8,0

Og nú er bara að fara að kaupa fartölvuna, sem ég var búin að lofa henni.

Sumarvinna

2008-05-29T09:30:00.001Z

Eitt af því sem gleymdist í öllu prófstressinu, í kringum samræmdu prófin, var að leita að sumarvinnu. Dóttirin er að vinna á Culiacan, en langar að breyta til. Hún vill helst ekki fara í unglingavinnuna, þar sem hún er frekar illa launuð og kassastörf eru ekki mjög spennandi, en allt kemur til greina. Hún er vön því að vinna á veitingarstöðum og hefur líka reynslu af kassastörfum.

Þannig að ef þið vitið um einhver sumarstörf á lausu, þá endilega látið mig vita.

Afmæliskisa

2008-05-24T15:32:00.002Z

Kisa litla á afmæli í dag. Það eru nákvæmlega fimm ár síðan hún kom í heiminn. Það vill svo skemmtilega til að daginn sem hún fæddist var Eurovision keppnin haldin það árið. Það er skrýtið að hugsa til þess að það séu komin fimm ár síðan hún kom inn í líf okkar, lítil og hálf skelkuð. En hún hefur gengið í gegnum ýmislegt með okkur og ég held að hún sé bara nokkuð sátt við lífið.

Afmælisveislan verður haldin á mánudaginn, þegar hitt heimilisfólkið kemur heim eftir pabbahelgi. Þá verður boðið upp á rækjur og litla dekurrófan fær sína afmælisgjöf. Nýjan klórustaur.

Til gamans set ég tvær myndir af henni. Önnur er tekin rétt eftir að við fengum hana og hin var svo tekin síðasta sumar.

Margt að ske

2008-05-19T21:53:00.003Z

Á laugardaginn skellti ég mér að tónleika hjá Kvennakór Reykjavíkur. Það var svolítið skrýtin tilfinning að sitja úti í sal og hlusta. Ég hef nefnilega alltaf verið að syngja á þessum tónleikum. Þær stóðu sig bara nokkuð vel stelpurnar, þó að mér hafi stundum fundist vanta smá líf í hópinn.

Á sunnudaginn fórum við mæðginin í bíó ásamt Erlu og Inga Þór. Við sáum ofurmyndina Iron Man, sem féll strákunum vel í geð. Ég verð nú samt að segja að mér leiddist ekkert á þessari mynd, ólíkt því þegar við sáum Fantastic Four 2. Ég held að ég geti sagt með vissu að það muni verða Iron Man 2, fannst ég lesa það úr endinum.

Í dag var svo erfiður dagur. Dagurinn byrjaði á kistulagningu afa míns, síðan tók jarðaförin við og svo var endað í erfidrykkju heima hjá foreldrum mínum. Þar var fjölmenni og ég var á þönum allan tímann. Það er því ekki laust við að þreyta og feginleiki séu alsráðandi þessa stundina. Mikið held að ég margir hafi verið fegnir þegar þessi dagur var að kvöldi kominn.

Hvernig stendur á því?

2008-05-15T20:33:00.003Z

Það er allt í einu orðið svo mikið að gera hjá mér. Ég,sem gat látið mér leiðast heilu helgarnar, get varla fundið tíma til þess lengur. Ég þarf meira að segja að skipuleggja mig nokkuð vel, ef ég á að koma öllu í framkvæmd. Þannig hef ég verið á leið í heimsóknir og ætlað að framkvæma hluti, en það er bara ekki tími aflögu.

Skyldi þetta nokkuð vera vegna þess að ég er loksins að vakna til lífsins og farin að njóta lífsins í botn??? Núna kvíði ég ekki framtíðinni, heldur hlakka til að takast á við hana.

Óvissan í hámarki

2008-05-09T18:16:00.002Z

Dóttir mín fór ásamt öðrum tíundubekkingnum í óvissuferð í gær. Í Lindaskóla var óvissan höfð í hámarki, þannig að foreldrarnir vissu ekki einu sinni hvert ætti að fara. Ég hef ekkert heyrt frá henni og er því að deyja úr forvitni. Hún kemur aftur heim á morgun, vonandi glöð og þreytt eftir gott ferðalag. Hún er amk mjög ánægð með það að samræmdu prófin eru búin, því hún var búin að vera að skipuleggja og læra fyrir þau síðan í janúar.

Annars fórum við stelpurnar út að borða í hádeginu í dag. Að sjálfsögðu fórum við á besta staðinn í bænum, Santa Maria, og fengum gott að borða hjá Maju og Neto. Í þetta skiptið fékk ég mér enchiladas með sósu úr súkkulaði og chilli, sem var alveg rosalega gott. Ég er ennþá í hálfgerðri vímu og langar að fara aftur sem fyrst.

Takk fyrir mig Maja og Neto.

Afi kveður

2008-05-02T23:37:00.002Z

Þá hefur hann afi minn kvatt þessa jarðvist, sáttur við Guð og menn. Hann náði þeim háa aldri að verða 96 ára og var því löngu reiðubúinn að kveðja. Hann var trúaður maður, sem trúði á sitt himnaríki, og kveið því ekki brottför. Hann fékk friðsælt andlát, umvafinn fólkinu sínu og það voru því mörg tár felld í dag.

Ég á margar góðar minningar um afa minn. Hann var ljúfur og góður afi, sem kunni að gera ævintýri úr hversdagslegum hlutum. Þannig urðu trjálundirnir á Klambratúni, ævintýraskógar með drekum og úlfum, hver steinn varð að álfasteini og vatnstankarnir í Öskjuhlíð urðu hýbýli dverga. Afi gat hlegið sig máttlausan yfir teiknimyndum af Tomma og Jenna og svo var erfitt að fá hann til að lesa Andrésblöðin, því hann grét svo af hlátri að lítið varð um lestur. Á kvöldin var auðvelt að fara að hátta, ef von var á frumsömdum sögum frá afa. Þær snerust um tvo ánamaðka, sem lentu alltaf í þvílíkum svaðilförum, en komust samt alltaf heim til mömmu sinnar, heilir á húfi. Eftir söguna fórum við síðan alltaf með bænir. Afi minn var mikill söngmaður. Hann var því gjarnan mættur með gítarinn í barnaafmælin og spilaði ýmsar barnavísur með leikrænum tilþrifum. Þannig varð tófan í grjóti farin að urra og mamma hans Gutta grét fögrum tárum. Það var ekki til það barn sem ekki hreifst af honum afa mínum.

Ég gæti skrifað heila ritgerð um hann afa minn, minningar hreinlega streyma fram, jafn auðveldlega og tárin streyma niður kinnarnar. Eitt er víst. Ég átti besta afa í heimi.

Bjallan glumdi í miðju prófi

2008-04-29T15:17:00.000Z

Dóttir mín var í samræmdu prófi í íslensku í morgun. Hún var ósköp róleg yfir þessu öllu og ekkert að stressa sig í morgun. EN..Hún hafði samband við mig áðan og var heldur óhress. Í miðjum hlustunarkaflanum, fór skólabjallan að glymja, svo hún missti alveg niður eina spurninguna. Hún bara hreinlega heyrði hana ekki fyrir hávaðanum. Ég efast um að nokkur hafi heyrt hana. Hún var alveg miður sín yfir þessu, enda búin að leggja mikið á sig við lærdóminn. Öll rólegheitin í morgun breyttust í stress og einbeitningin fauk.

Skýringin sem kom frá kennaranum var að það hefði gleymst að taka bjölluna úr sambandi. Ég er frekar fúl yfir þessu, en ég held að ég láti nú samt vera að fara að gera eitthvað mál úr þessu…eða hvað?

Sjálfhelda

2008-04-25T12:16:00.002Z

Það getur stundum verið hálf-ævintýralegt að vera kisuvinur. Þannig var það einmitt í gær.

Kisa fékk að fara út í gærkvöldi, með þeim fyrirmælum að hún mætti ekki vera lengi úti. Hún fær nefnilega aldrei að vera úti á nóttinni. Um klukkan ellefu, fór ég út á pallinn og kallaði á kisu. Heyrði ég þá ámátlegt væl, ekki langt í burtu. Ég vissi strax að nú væri kisa búin að koma sér í sjálfheldu. Það var því ekki um annað að ræða en að fara í úlpu og rölta út. Ég þurfti ekki að fara langt, þegar ég fann kisu. Hún var búin að príla upp stillasa, og þorði ekki niður. Þar stóð hún og vældi ámátlega, skíthrædd og vesældarleg.

Nú voru góð ráð dýr. Eftir smá umhugun ákvað ég að þetta yrði ekki leyst nema með hjálp dótturinnar. Hún er nefnilega ennþá svo ótrúlega fim, eftir alla fimleikaþjálfunina sem hún fékk á yngri árum. Hún átti ekki í miklum vandræðum með að vippa sér upp stillasann og handlangaði svo kisu niður til mín. Ég hafði náð í stiga heimilisins og stóð fremur lofthrædd í efsta þrepinu. Ég þurfti síðan að klöngrast niður stigann með kisu á öxlinni. Málið reddaðist því, en með naumindum því þessir stillasar voru alls ekki traustir. Það munaði því ekki miklu að við hefðum þurft að ræsa út björgunarsveit eða slökkvilið.

Eitthvað segir mér nú að við gætum alveg átt von á að standa í þessu aftur. Kisa litla hefur nefnilega svo gaman af því að príla.

Facebook

2008-04-23T12:00:00.002Z

Ég held að ég verði að taka til baka, fyrri yfirlýsingu um Facebook. Ég er nefnilega dottin á bólakaf í þetta skemmtilega fyrirbæri. Það er kannski þess vegna sem ég er orðin svona léleg í blogginu, það fer svo mikið af mínum tölvutíma í Facebook. Það þarf að sinna gæludýrum, fjölga íbúum í eigin borg (þar sem ég er borgarstjóri), taka þátt í spurningaleikjum, hugsa um garðinn, senda og lesa skilaboð, flörta og senda vinum endalaus faðmlög, kossa, bros, kaffi, blóm, súkkulaði og svo framvegis.

Ég á líka Facebook að þakka að ég hef endurnýjað kynnin við tvo gamla vini sem ég missti samband við á tvítugsaldrinum. Og það er sko ekki leiðinlegt.

Ammælídag

2008-04-11T14:12:00.000Z

Mikið er nú gaman að eiga afmæli, þegar maður fær svona mikið af fallegum afmæliskveðjum. Sonur minn tilkynnti mér þegar hann vaknaði, að hann ætlaði að gefa mér margar afmælisgjafir í dag. Fyrstu gjöfina fékk ég strax, hann var snöggur á fætur, tilbúin á réttum tíma og labbaði í skólann. Hann vissi það, blessaður, að þetta myndi gleðja mig mjög mikið (sem það og gerði).

Í kvöld ætlum við vinkonurnar svo að fara út að borða á Lækjarbrekku. Ég er ennþá að gera það upp við mig hvort ég á að vera akandi eða ekki.

Já, og svona í tilefni þess að ég er orðin árinu eldri, setti ég upp gleraugu. Þarf þau að vísu bara þegar ég þreytist við lestur, eða eins og ég sagði sjálf „ég þarf ekki að labba með þau“.

Vangaveltur

2008-04-08T10:44:00.003Z

Ég virðist vera frekar andlaus þegar kemur að blogginu þessa dagana. Samt er ýmislegt smávægilegt að þvælast um í hausnum á mér. Eins og td:

1. Ég bara þoli ekki nýju auglýsingarnar frá 118. Finnst þær bara hallærislegar.
2. Ég er ennþá að velta því fyrir mér hvort ég eigi að bíða með að bóka hótel í London, eða ekki. Það eru jú ennþá fjórir mánuðir í ferðina.
3. Það fæðast bara litlar prinsessur í kringum mig. Það er í sjálfu sér mjög gott mál, því það vantar alltaf fleiri sætar prinsessur.
4. Ég þarf að fara að taka matarræðið í gegn hjá mér aftur. Er orðin allt of kærulaus.
5. Ég þarf að fara að gera eitthvað í þessum lekamálum í íbúðinni, svo ég geti farið að mála. Ég ætti kannski að senda tölvupóst til verktakans.

Og svona mætti lengi telja.

Heimsókn í vinnuna

2008-04-03T13:20:00.003Z

Mikið er nú gaman að fá svona litla sæta prinsessu í heimsókn til sín í vinnuna...tvisvar sama dag. Hún er bara svo mikil rúsína, alltaf brosandi og kát og tilbúin að spjalla við mann. Hún er sko alltaf velkomin í heimsókn til mín (og mamma hennar má reyndar alveg koma með líka).

Rauður Kristal-plús

2008-03-28T15:25:00.002Z

Það er ekkert eðlilegt hvað við mægður getum innbyrt af þessum drykk. Ég er farin að halda að það séu einhver ávanabindandi efni í vökvanum.

Annars er varla nokkuð merkilegt að gerast. Jú, nema að vörubílar virðast vera mjög hrifnir af göngubrúnni í Vatnsendahverfi. Það þurfti víst að fylgja börnum heim í dag(sem vanalega nota brúnna) því hún var lokuð. Í Fréttablaðinu var líka viðtal við tvær konur sem ég þekki, sem báðar heita María. Að lokum rakst ég á frétt um að Ellen deGeneres sé tekin við af Opruh sem vinsælasti spjallþáttarstjórnandinn. Það kemur mér ekki á óvart, því þættirnir hennar eru skemmtilegir. Ég vildi gjarnan sjá hana í íslensku sjónvarpi.

Ja hérna. Svona er það þegar maður er andlaus. Þá bullar maður bara.

Aftur til London

2008-03-13T15:28:00.002Z

Þá er búið að bóka flug til London. Þessi ferð verður farin í ágúst og í þetta sinn verðum við mæðgur bara tvær á ferð. Þetta verður svona verslunar-afslöppunar-skoðunarferð, meira skoðunarferð ef ég fæ að ráða, en meira verslunarferð ef hún fær að ráða. Dóttirin mun eiga 16 ára afmæli í ferðinni og er planið að fara á söngleik í tilefni dagsins. Við ætlum að skella okkur á Mamma Mia og svo verður sjálfsagt farið eitthvað fínt út að borða. Ég er mjög spennt fyrir stað sem heitir Asia de Cuba.

Og nú er bara að vona að blessað pundið farið að lækka, svo ég geti farið að bóka gistingu.

Santa Maria

2008-03-09T12:55:00.002Z

Loksins er hægt að fá ekta mexíkanskan mat á Íslandi. Við mæðgurnar fengum okkur að borða á þessum nýja stað og urðum ekki fyrir vonbrigðum. Staðurinn sjálfur er mjög flottur og maturinn alveg frábær. Við fengum okkur tvo rétti, skiptum þeim á milli okkar og vorum báðar mjög ánægðar. Mér fannst sterkari rétturinn betri (sem var þó ekkert súper spæsí), mig minnir að hann hafi verið númer 28 á matseðlinum.

Sem sagt, Santa Maria, Laugavegi 22a. Mæli með honum.

Maja mín, við komum örugglega aftur. Hlakka til að smakka eitthvað fleira.

Slagsmál

2008-03-01T12:32:00.004Z

Það var smá hasar á heimilinu í gær. Trítla fékk að fara út í eftirmiðdaginn og lenti í slagsmálum. Hún slasaðist ekki alvarlega, en nóg til þess að það þurfti að fara með hana upp á dýraspítala og láta sauma nokkur spor. Í dag er hún með skerm á hausnum. Hún var með umbúðir á löppinni, mjög tryggilega festar, en náði einhvern veginn að losa sig við þær. Hún er mjög ósátt við þennan skerm, og gerir allt til að reyna að losa hann af höfðinu á sér. Hún er nefnilega ekki svo vitlaus, skorðar höfuðið á milli tveggja hluta og reynir svo að bakka. Greyið þarf að vera með skerminn á hausnum í fimm daga og ég get séð það strax að það verða langir fimm dagar. Ég hafði svo miklar áhyggjur af henni að ég svaf frekar lítið í nótt.

Ég held að ég sé loksins að skilja hvað miðilinn átti við þegar hann sagði að ég myndi eiga þrjú börn.

Munaðarlaus

2008-02-28T16:35:00.002Z

Þá er maður orðin munaðarlaus eina ferðina enn og verð það víst fram í miðjan maí. Foreldrarnir eru farnir á hitt heimilið á Florida. Ekki nóg með það heldur fór systir mín plús fjölskylda líka á sama stað. Þau ætla að vísu bara að vera í mánuð. Ég er því hálf umkomulaus þessa dagana.

Annars verð ég víst að éta orð mín aftur, því ég er byrjuð aftur á Facebook. Reyni samt að eyða eins litlum tíma þar og mögulegt er, þetta er soddan tímaþjófur.

Fleira var það ekki í dag, ekki sú duglegasta í blogginu þessa dagana.

Næturheimsókn

2008-02-21T18:13:00.002Z

Nei, það var ekki ég sem fékk næturheimsókn, heldur yngsti meðlimur fjölskyldunnar. Klukkan hálf sex í morgun, vaknaði ég við mikil óhljóð sem bárust frá varðkettinum Trítlu. Tveir óboðnir kettir höfðu ráðist inn á hennar yfirráðasvæði og hún var ekki par hrifin. Það var alveg sama hvað ég reyndi að segja henni að svona tæki maður ekki á móti gestum, hún hvæsti bara og urraði. Ég var mest hissa að sjá að þeir virtust vera tveir saman, því ég hélt að kettir væru yfirleitt einfarar.

Málið endaði þannig að hún lét sig hverfa undir borð og neitaði að eiga nokkuð við þessa gesti. Ég fór því bara aftur upp í rúm.

Ætli Trítla kunni ekki kattasiði, eða er þetta eðli-legt?

Actionary

2008-02-16T12:31:00.002Z

Þetta spil er hreinlega það skemmtilegasta sem ég hef spilað. Ég hef að vísu bara spilað það einu sinni, en ég var í þvílíku gleði-rússi eftir kvöldið að það entist mér í nokkra daga. Það, að þurfa að leika ótrúlegustu orð fyrir framan hóp af fólki, getur komið mesta fýlupúka í stuð. Stundum reyndist mér ógerningur að leika eitthvað, því ég var bara í hláturskasti.

Í kvöld á sem sagt að endurtaka leikinn. Hópurinn hefur stækkað örlítið, síðast vorum við sex, en núna verðum við níu. Ég held að það sé ágætt að hafa hópinn ekkert of stóran, því það veldur bara ruglingi. Þetta er líka góður hópur af fólki, sem þekkist eitthvað innbyrðist og það gerir leikinn skemmtilegri. Nú er bara að nota daginn til upphitunar og reyna að leika orð eins og drekafluga, Vestfirðir og garðdvergur.

Þetta verður bara gaman.

Endurmat

2008-02-14T12:25:00.002Z

Ég er ein af þeim sem á erfitt með að taka ákvarðanir. Einföldustu ákvörðunartökur geta valdið mér endalausum áhyggjum. Þess vegna er ég ánægð með að hafa afrekað ýmislegt undanfarið.

1. Keypti loksins nýtt borðstofuborð og stóla. Ég var búin að vera með gamalt borð og tvær tegundir af stólum, frá því að ég flutti árið 2005. Fann ódýrt sett í Ikea.
2. Keypti mér nýtt sjónvarp. Gamla sjónvarpið var orðið töluvert lúið. Alger bylting að fara úr 21 tommu í 37 tommur, hálfgerð bíóstemmning á heimilinu núna.
3. Fann loksins nýjan sófa. Ég veit ekki hvað ég er búin að skoða marga sófa, svo ég var fegin að finna loksins "rétta" sófann.

Einnig er ég búin að ákveða eftirfarandi:

1. Ég ætla ekki að flytja fyrr en ég er búin að klára þessa íbúð. Verktakinn er ekki að standa sig, það á eftir að klára ýmislegt (þó að það séu bráðum 3 ár síðan ég flutti inn) og svo ætla ég að láta setja parkett.
2. Nýr bíll verður ekki keyptur fyrr en 2009, þegar dóttirin fær bílpróf og getur tekið við þeim gamla.

Það þarf varla að taka það fram að mér líður miklu betur.

Föst

2008-02-07T18:03:00.000Z

Eins og veðrið er búið að vera undanfarið, þá hlaut að koma að því. Í morgun var ég alveg föst. Litli bíllinn minn sat í skafli úti á plani og honum varð ekki haggað. Ég varð því að sníkja far í vinnuna. Eftir að vinnu lauk, ákvað ég að splæsa á leigubíl heim og vonaði alla leiðina að það væri búið að skafa planið svo ég kæmist á bílnum í fyrramálið. En nei. Bíllinn stóð ennþá í sama skafli og ég er strax farin að velta því fyrir mér hvernig ég á að koma börnum í skóla og mér í vinnuna í fyrramálið.

Bíllinn er svo kyrfilega fastur að ég þori ekki að taka sénsins á því að hreyfa hann og sitja svo föst, fyrir öllum hinum bílunum. Það sorglega er að ef ég kæmist út af planinu og niður á horn, þá væri leiðin greiðfær.

Því má svo bæta við að leigubíllinn sem keyrði mig heim, sat fastur fyrir utan hjá mér (hann fór þó ekki inn planið) og varð að kalla á annan bíl til hjálpar.

Ég held að ég sé farin að leita mér að jeppa.

Frístundakort

2008-02-01T12:05:00.001Z

Dóttir mín er á sextánda ári. Hún æfir reglulega í tækjasalnum í Salarlaug. Árskortið þar kostar ekki nema rúmlega 25.000 kr. Ég frétti af því að Seltjarnarnesbær niðurgreiðir árskort í ræktina fyrir börn upp að 18 ára aldri. Þetta á einnig við Reykjavík. Kópavogsbær niðurgreiðir hins vegar gjöld fyrir 14 ára og yngri. Ég hafði samband við íþróttafulltrúa Kópavogsbæjar og hann tjáði mér að þetta væri í breytingu. Veturinn 2007-2008 er miðað við 14 ára og yngri, 2008-2009 er miðað við 16 ára (þá verður dóttir mín passlega orðin 16 ára) og svo gæti verið að þetta verði endurskoðað í framtíðinni og hækkað í 18 ára aldur.

Stundum er ekkert svo gott að búa í Kópavogi.

Hætt

2008-01-26T21:23:00.000Z

Ég ákvað að hætta á Facebook og MySpace. Hef hvorki tíma né áhuga á því að standa í þessu lengur. Bloggið verður samt ennþá á sínum stað. Ég hef bara svo gaman af því að lesa gamlar færslur og rifja upp liðna atburði. Ég blogga líka aðallega fyrir sjálfa mig, um ósköp ómerkilega hluti, enda heitir bloggið "Hversdagshugleiðingar".

En ég neita því ekki að það er oft gaman að fá komment.

Heima

2008-01-25T09:12:00.000Z

Ég ákvað að fara að ráðleggingum lögreglunnar og vera heima. Hér í fjöllunum sást nefnilega ekkert út um gluggana í morgun, brjálað snjófok. Börnin voru ekki send í skólann, en það er ekkert útséð með hvort sonurinn fari í skólann á eftir, ef snjófokið lægir. Hann er nefnilega ekkert hress með að vera heima, vill helst ekki missa af skólanum.

Ég var ánægð með svörin sem ég fékk í skólanum í morgun. Ólíkt því sem gerðist í desember, þá var mér sagt að það væri verið að ráðleggja foreldrum að senda börnin ekki í skólann og að engar fjarvistir yrðu gefnar. Það auðveldaði mér ákvörðunina, því í desember voru einu svörin sem maður fékk að það yrði skóli (og þá hélt ég að börnin mín þyrftu að mæta).

Svo fylgjumst við bara með veðurspánni.

Síðasta hetjan fallin

2008-01-22T21:53:00.000Z

Ég skrifaði í vor um það að ég fylgdist með bloggi þriggja ungra kvenna sem ættu það sameiginlegt að vera að berjast við krabbamein. Allar áttu þessar konur ung börn. Ég dáðist að lífsorku og krafti þessara kvenna, hversu bjartsýnar þær voru þrátt fyrir að heyja þetta erfiða stríð. Í sumar létust tvær af þessum hetjum, með nokkuð stuttu millibili. Í gær féll svo síðasta hetjan í valinn. Hetja sem sagði eitt sinn að hún hefði gert samning við Almættið um að hún fengi að fylgjast með dóttur sinni vaxa úr grasi.

En svo varð ekki.

Ég veit að ég þekkti þessar konur ekki neitt, en samt flæktist ég inn í líf þeirra með því að fylgjast daglega með bloggi þeirra. Blessuð sé minning Ástu Lovísu, Hildar Sif og Þórdísar Tinnu. Megi þær hvíla í friði.

Allt á kafi í snjó

2008-01-16T15:31:00.000Z

Það getur stundum verið erfitt að búa í fjöllunum. Sérstaklega þegar snjóar svona mikið. Bílastæðin voru öll mokuð og fín í gær, en eru víst komin aftur á kaf í snjó. Þetta stefnir því í að verða dýr vetur fyrir húsfélagið.

Ég held að það sé orðin spurning um að kaupa sér bíl með drif á öllum eða jafnvel jeppling. Einhverjar uppástungur?

Perrar á MSN

2008-01-14T12:12:00.000Z

Sonur minn er á tíunda ári. Fyrir ca. mánuði síðan bað hann mig um að setja upp MSN hjá sér, svo þeir vinirnir gætu skipst á skilaboðum og myndum. Ég varð við þeirri ósk, en hef alltaf fylgst með honum og hans netnotkun almennt.

Síðasta föstudag, varð ég fyrir frekar ónotalegri lífsreynslu. Sonur minn hafði samband við mig í gegnum MSN (hann var heima, ég í vinnunni) og sagði mér að það væri maður að reyna að tala við sig, sem segðist hafa gaman af því að spjalla við litla stráka. Hann hafði óvart "addað" honum. Ég sagði honum að "blokka" manninn strax og eiga ekki frekari samskipti við hann. Sonur minn, sem er greinilega allt of saklaus sál, var hikandi við að gera það og sagðist ekki vilja særa tilfinningar viðkomandi. Sem betur fer var dóttirin heima og því sett í málið. Hún skrifaði nokkur vel valin orð til viðkomandi og "blokkaði" hann síðan. Þar sem við náðum ekki að vista neitt, þá er það eina sem við vitum um þennan aðila að hann hefur netfangið jkh@visir.is. Ég prufaði að gúgla því og það virðist vera virkt netfang. Ég veit hreinlega ekki hvort það er hægt að gera eitthvað í málinu, þegar ég hef ekki meira í höndunum. Ég fékk sendan lista yfir perra á MSN (fyrir löngu síðan), en fannst það svo ógeðslegt að ég hreinlega henti honum, svo ég veit ekki hvort þessi aðili er þekktur í því samfélagi.

Það ótrúlega er, að bara núna um helgina, reyndu tveir aðrir aðilar að setja sig í samband við son minn. Hann veit það núna að hann á ALDREI að "adda" neinum, nema hann þekki viðkomandi. Ég er hreinlega að spá í hvort ég eigi ekki að taka MSNið út hjá honum. Þetta samfélag býður greinilega upp á alls konar perrar geti vaðið þar um.

Stolt

2008-01-11T13:33:00.000Z

Ég er virkilega stolt af henni dóttur minni. Ástæðan fyrir þessu stolti er sú, að henni hefur alltaf gengið mjög vel í skóla. Hún er samviskusöm og uppsker því í samræmi við það. Á miðvikudaginn vorum við á fundi með námsráðgjafa, þar sem við þurftum að taka ákvörðun um samræmd próf næsta vor. Dóttirin var að sjálfsögðu búin að velta þeim mikið fyrir sér og löngu búin að ákveða hvað hentaði henni best að taka. Námsráðgjafinn sagði við okkur að þar sem hún væri með meðaleinkunn upp á 9,1, gæti hún í raun valið hvaða framhaldskóla sem hún vildi.

Það stóð ekki á svari hjá minni. „Ég ætla í Versló“.

Nema hvað, Versló er frábær skóli og ég sé ekki eftir þeim fjórum árum sem ég eyddi þar. Verst að ég get ekki fengið að fara með henni, ég væri alveg til í að upplifa þessi ár aftur.

Annáll ársins 2007

2008-01-05T22:03:00.000Z

Í janúar byrjaði sonurinn á Ritalíni og ég fékk æði fyrir tei og púsluspilum.
Í febrúar hélt litla systir upp á 30 ára afmælið sitt með stæl.
Í mars skipti ég um tryggingafélag og Trilli hamstur fór til himna.
Í apríl vann Lindaskóli Skólahreysti og ég varð 41 árs.
Í maí lenti dóttirin í útistöðum við fyrrverandi vinnuveitendur sínar og sagði upp í kjölfarið.
Í júní forum við í frábæra 3 vikna ferð til Florida.
Í júlí fór ég á Toto tónleika.
Í ágúst fór ég í aðgerð, dóttirin varð 15 ára og ég vann flugfar til Evrópu á Bylgjunni.
Í september fórum við mæðgur ásamt frábæru fólki, í skemmtilegustu Lundúnarferð ever, þar sem farið var á Prince tónleika og etið á Hakkasan.
Í október varð sonurinn 9 ára og ég eignaðist yndislegustu frænku í heimi.
Í nóvember var bíllinn Stúfur í aðalhlutverki, fór á verkstæði og fékk skoðun.
Í desember upplifði ég fyrstu jólin án barnanna minna og eignaðist aðra yndislega frænku.

Gleðilegt nýtt ár!

2008-01-01T01:53:00.000Z

Þá er árið 2008 gengið í garð. Þetta verður vonandi hið besta ár og betra en árið sem á undan er gengið. Ég strengdi engin sérstök áramótaheit í þetta skiptið, en ætla mér að halda áfram að mæta í ræktina þrisvar í viku og þar að auki verður matarræðið tekið betur í gegn.

Sagði ekki einhver spekingurinn "Batnandi fólki er best að lifa".

Glæný frænka komin í heiminn

2007-12-28T09:22:00.000Z

Já ég veit, ég er óvenjudugleg að blogga þessa dagana, enda mikið að gerast. Ég eignaðist glænýja frænku á annan í jólum. Ég á jafnmikið í henni og þeirri sem er alveg að verða tveggja mánaða, en í þetta skiptið ber ég titilinn "föðursystir". Hlakka mikið til að fá að sjá hana, þó ég viti ekki alveg hvenær það verður.

Börnin mín koma heim á morgun. Ég get ekki beðið eftir að fá að knúsa þau og ætla að leggja á mig langferð til Keflavíkur, til að sækja þau. Það er búið að vera mjög gaman hjá þeim í Kaupmannahöfn, en sonur minn lýsti því samt yfir í gærkvöldi að hann væri mömmustrákur. Hann kann alveg að bræða móður sína þessi elska.

Á sunnudaginn verður síðan nafnaveisla, en þá á litla frænka (sú eldri) að fá nafn. Það er ekki síður spennandi.

Skaflar

2007-12-27T10:14:00.000Z

Þá er veturinn skollinn á okkur með tilheyrandi sköflum og snjókomu. Ég eyddi tveimur klukkutímum í gær, í að moka litla bílinn minn út úr skafli og gera hann kláran fyrir vinnuna í dag. Ég bölvaði snjónum mikið meðan ég var að moka, en mikið hafði maður nú gott af smá puði. Ég hugsaði líka mikið á meðan ég mokaði og komst að tvennu: 1. Ég ætti kannski að kaupa mér bíl sem hentar betur í skafla-akstur og 2. Ég þoli ekki snjó.

Kannski er of langt gengið að segja að ég hati snjó. Ég vill bara ekki hafa hann neins staðar þar sem ég þarf að keyra.

Jólin eru að koma

2007-12-22T11:46:00.000Z

Mikið verður maður nú alltaf upptekin svona rétt fyrir jólin. Það er alveg sama hvað ég reyni, alltaf er eitthvað á síðustu stundu. Ekki misskilja mig, ég er ekkert að stressa mig neitt, en það er samt alltaf nóg sem ég á eftir að gera.

Ég er nú samt langt komin þetta árið. Ég er td. búin að kaupa allar jólagjafir, nema handa syninum. Hans óskalisti var eitthvað svo tómlegur þetta árið að þegar allir ættingjarnir vou búnir að nota hann, var mjög lítið eftir. Ég verð því að fá einhverjar brilliant hugmyndir, núna á næstu sólarhringunum. Ég hef að vísu lengri frest því börnin eru ekki heima yfir jólin. Þau eru hjá föður sínum. Ekki nóg með það, heldur eru þau í öðru landi. Þau ætla að eyða jólunum í Kaupmannahöfn.

Það er því frekar tómlegt á heimilinu. Ég er ein heima með kettinum og svo erum við litla dverghamsturinn hans sonar míns, hann Billa, í pössun. Ég þurfti að loka hann inni í herberginu hjá syni mínum, því kisa er alveg æst í að hitta hann. Ég læsti því meira að segja til öryggis, því maður veit aldrei hvað kisur geta gert í hita leiksins.

En ég er langt frá því að vera ein. Ég ætla að eyða jólunum með fjölskyldunni, þar sem ég hef tvö frændsystkini til að knúsa. Það verður sko ekki leiðinlegt.

Brjálað veður, brjálaður skóli

2007-12-14T09:15:00.000Z

Ég var svolítið tvístígandi í morgun, þegar ég leit út um gluggann. Það var svo hvasst úti, að ég velti því fyrir mér hvort það yrði nokkuð skóli hjá börnunum. Ég ákvað því að hafa samband við báða skólana og athuga málið og þá var mér sagt að það yrði skóli í dag. Ég dreif börnin því á fætur og út í rokið. Sonur minn þurfti fylgd upp að dyrum, því annars hefði hann sjálfsagt fokið.

Svo kem ég í vinnuna og það fyrsta sem blasir við mér á mbl.is, er að lögreglan sé að mælast til þess að foreldrar haldi börnum sínum heima í dag. Það fauk nú heldur betur í mig. Hvers vegna eru skólar í Kópavogi að rembast við að hafa skóla í dag, þegar lögreglan er að mælast til að börn mæti ekki. Ég er eiginlega með samviskubit yfir því að hafa bara ekki tekið þá ákvörðun sjálf, að senda börnin mín ekki í skólann. Ég hélt bara að málið væri þannig að ef skólinn væri með skólahald, þá yrðu börnin að mæta.

Ég er bara greinilega allt of hlýðin.

Gleðifréttir!

2007-12-05T22:11:00.000Z

Ég var að fá símhringingu sem gladdi mitt hjarta alveg óendanlega. Amma mín er loksins búin að fá pláss á Droplaugastöðum. Hún flytur inn fyrir jólin og verður á sömu hæð og afi. Þetta var hennar heitasta ósk og því frábært að það var hægt að uppfylla hana.

Besta jólagjöfin í ár.

Erilsöm helgi

2007-12-03T19:57:00.000Z

Síðasta helgi var óvenju erilsöm hjá mér. Föstudagurinn byrjaði með tvöföldu jólahlaðborði og heimsókn á Thorvaldsen.

Á laugardeginum var verslað og farið með soninn í Nexus að kíkja á Transformers dót. Ég kom afgreiðslumanninum á óvart með þekkingu minni á öllum þessum mismunandi köllum, en hei, maður verður nú að fylgjast með. Um kvöldið kom svo lítil sæt prinsessa í pössun til Veigu frænku. Hún var svo ljúf og góð að það reyndist lítið mál að hafa hana í pössun. Ég sagði við dótturina að það væri áríðandi að tækist vel til, því þá yrðum við nefnilega kannski beðnar aftur.;)

Á sunnudeginum var sonurinn á fleygiferð á jólaballi og í afmælum og svo enduðum við í sveitasælunni í Dalnum. Þar var verið að halda afmæli og ekki leiðinlegt að fá knúsa litlu frænku aftur. Hún er alger gullmoli og maður fær bara ekki nóg af því að dást af henni.

Stúfur fékk skoðun

2007-11-23T15:57:00.000Z

Ég fór með bílinn í skoðun í morgun. Stúfur skrölti í gegn í bókstaflegri merkingu, eitthvað skrölthljóð í honum sem líkist því mest að það sé eitthvað laust undir honum. Ég var mjög fegin, enda átti ég alveg eins von á því að fá ekki skoðun á bílinn.

Það er sonur minn sem á heiður af þessu nafni á bílnum. Hann vildi endilega gefa bílnum nafn, eftir að ég sagði honum sögur af Patta, fyrsta bílnum mínum. Sá bíll var eitthvað svo pattaralegur. Bíllinn okkar er lítill og rauður og þá fannst syni mínum aðeins eitt nafn koma til greina. Hann heitir því í höfuðið á minnsta jólasveininum. Mjög viðeigandi.

Bara miðlungs dramadrottning

2007-11-22T11:13:00.000Z

Þú ert miðlungssteikt dramadrottning.

Ef dramadrottningar væru hamborgarar sem fengjust á skyndibitastað
værir þú "medium". Miðlungssteiktar dramadrottningar eru konur meðalhófs. Þær eru skynsemisverur miklar, hafa sterka réttlætiskennd og vilja öllum vel. Í raun myndu flestar miðlungssteiktar dramadrottningar frekar vilja vera baunabuff en hamborgari því þá hefðu engin saklaus dýr þurft að líða fyrir samlíkinguna.

Miðlungssteiktar dramadrottningar hafa algera stjórn á dramatíska hluta heilans. Í raun verður sjaldan vart dramatískrar hegðunar hjá hinni miðlungssteiktu. Ekki einu sinni slæmur hárdagur getur raskað ró hennar.

Miðlungssteiktar dramadrottningar eru hæglátar, yfirvegaðar en fylgispakar. Þær eru trúar leiðtoga sínum sem er gjarnan léttsteikta dramadrottningin og fylgja henni oft í blindni. Þegar á reynir er hún hins vegar ekki tilbúin til að hvika frá sannfæringu sinni og á það til að vera samviska þeirrar léttsteiktu og halda henni á jörðinni.

Hversu mikil dramadrottning ert þú?